Pochettinoថា Mbappe មិនមែនជាអ្នកបណ្ដេញលោកចេញពី គ្រូបង្គោល PSG ទេ

2022-08-02 12:10:01
បាល់ទាត់

2022-08-02 12:10:01
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Mauricio Pochettino អតីតគ្រូបង្គោលក្លឹប Paris Saint Germain បាននិយាយទៅកាន់អ្នកកាសែតនៅក្នុងថ្ងៃនេះថា លោកគិតថា ខ្សែប្រយុទ្ធ Kylian Mbappe មិនមែនជាអ្នកបណ្ដេញលោកចេញពីតំណែងគ្រូបង្គោលក្លឹបឡើយ។

លោក Pochettino បាននិយាយថា៖" អ្វីដែលខ្ញុំគិតនោះគឺថា PSG ធ្វើអ្វីគ្រប់បែបយ៉ាងដែលអាចធ្វើទៅបានដើម្បីធ្វើយ៉ាងណាឲ្យ Mbappe នៅក្លឹបនេះ ហើយខ្ញុំក៏ឯកភាពរឿងហ្នឹងផងដែរ។ គេជាចំណោមកីឡាករដ៏ល្អបំផុតមួយរូបក្នុងពិភពលោកសព្វថ្ងៃនេះ ហើយខ្ញុំក៏ធ្លាប់គិតផងដែរថា PSG មានធនធានគ្រប់សព្វដែលបញ្ចុះបញ្ចូលគេឲ្យបន្តនៅទីនេះ "។

លោកបន្តថា៖" តែយ៉ាងណាក៏ដោយមកទល់នឹងពេលនេះ ខ្ញុំមិនគិតថា Mbappe ជាអ្នករៀបចំគម្រោងផែនការថ្មីរបស់ក្លឹបសម្រាប់រដូវកាលថ្មីនេះនោះទេ ឬក៏បណ្ដេញខ្ញុំចេញពីតំណែងគ្រូបង្គោលនោះទេ។ អ្នកដែលធ្វើរឿងនេះគឺជាប្រធានក្លឹប ដែលជាអ្នកតែងគិតថា រៀបចំគម្រោងផែនការថ្មីសម្រាប់ក្លឹបគឺជារឿងងាយស្រួលបំផុត "។

Mbappe បានបន្តកុងត្រាថ្មីជាមួយ PSG ដល់ឆ្នាំ២០២៥។ ក្នុងលក្ខខ័ណ្ឌបន្តកុងត្រាថ្មីនេះ កីឡាករនេះត្រូវបានគេជឿជាក់ថា មានសិទ្ធិដូចជាថ្នាក់ដឹកនាំរបស់ក្លឹបអញ្ចឹង ដោយអាចដក ដូរ និងបណ្ដេញ កីឡាករ និងបុគ្គលិកនៅក្នុងក្លឹប៕

ប្រភព៖ Goal អត្ថបទ៖ សេរី មង្គល