/62dfd15a4122e_1658835240_medium.jpg)
- 2022-07-26 11:36:17
- បាល់ទាត់
Lewandowskiថា តាំងពីមកដល់ Barca គេមិនដែលនិយាយរឿងចាញ់ Bayern ៨-២ ក្នុងក្រុមឡើយ
- 2022-07-26 11:36:17
- ចំនួនមតិ 0 | ចំនួនចែករំលែក 0
Lewandowskiថា តាំងពីមកដល់ Barca គេមិនដែលនិយាយរឿងចាញ់ Bayern ៨-២ ក្នុងក្រុមឡើយ
ចន្លោះមិនឃើញ
ខ្សែប្រយុទ្ធ Robert Lewandowski បាននិយាយទៅកាន់អ្នកកាសែតនៅក្នុងថ្ងៃនេះថា តាំងពីគេផ្លាស់មកក្លឹប Barcelona មក គេមិនដែលនិយាយរឿងហេតុការណ៍ប្រកួតចាញ់ក្លឹប Bayern Munich ៨-២ ក្នុងក្របខ័ណ្ឌ UEFA Champions League កាលពីឆ្នាំ២០២០ ជាមួយនឹងមិត្តរួមក្រុមថ្មីគេឡើយ។
Lewandowski បាននិយាយថា៖" ខ្ញុំសុំទទួលស្គាល់ថាតាំងពីផ្លាស់មកដល់ Barca នេះខ្ញុំមិនមិនដែលនិយាយរឿងហេតុការណ៍ប្រកួតចាញ់ក្លឹប Bayern ៨-២ នេះជាមួយមិត្តរួមក្រុមថ្មីឡើយ ព្រោះនេះជារឿងអតីតកាលទៅហើយ ជាពិសេសគឺកាន់តែល្អតែម្ដងគឺកុំមើលត្រលប់វាវិញ។ នេះជារបៀបដែលយើងគិត "។
លើសពីនេះទៅទៀត កីឡាករនេះក៏បានឡើងថារឿងរ៉ាវខាងលើជាអតីតកាល តែសម្រាប់ពេលនេះគឺក្រុម Barca របស់គេនឹងល្អប្រសើរជាងរដូវកាលមុន និងគិតគូរតែរឿងឈ្នះពាន ព្រោះនឹងមានការជួយជ្រែងពីគ្រូបង្គោល មិត្តរួមក្រុមផ្ទាល់ ក៏ដូចជារូបគេ ខិតធ្វើគោលដៅនេះឲ្យបាន។
គួរបញ្ជាក់ផងដែរថា Lewandowski ទើបផ្លាស់ពី Bayern មកកាន់ Barca ក្នុងរដូវកាលនេះដោយមានកុងត្រារយៈពេល៤ឆ្នាំ រហូតដល់ឆ្នាំ២០២៦៕
