/62bedc2c658d0_1656675360_medium.jpg)
- 2022-07-01 11:38:23
- បាល់ទាត់
អតីតគ្រូបង្គោល OGC Nice នឹងមកដឹកនាំ PSG ខណៈ Pochettino ត្រូវបណ្ដេញចេញ
- 2022-07-01 11:38:23
- ចំនួនមតិ 0 | ចំនួនចែករំលែក 0
អតីតគ្រូបង្គោល OGC Nice នឹងមកដឹកនាំ PSG ខណៈ Pochettino ត្រូវបណ្ដេញចេញ
ចន្លោះមិនឃើញ
លោក Christophe Galtier អតីតគ្រូបង្គោល OGC Nice នឹងមកដឹកនាំក្លឹប Paris Saint Germain នៅរដូវកាលខាងមុខ ដោយនៅខណៈនេះគឺភាគីទាំងពីរបានព្រមព្រៀងគ្នារួចរាល់ហើយ នឹងប្រកាសជាផ្លូវការនៅសប្ដាហ៍។ នេះបើយោងតាមការចុះផ្សាយរបស់កំពូលអ្នកកាសែត Fabrizio Romano នៅក្នុងថ្ងៃនេះ។
លោក Christophe នឹងមកដឹកនាំក្លឹបបារាំង PSG នេះខណៈលោក Mauricio Pochettino ត្រូវបានបណ្ដេញចេញមុនកុងត្រាព្រមព្រៀងគ្នា ដោយខាងក្លឹបក៏បានព្រមព្រៀងបង់ថ្លៃក្នុងការដេញចេញមុនកុងត្រានេះផងដែរ នឹងប្រកាសជាផ្លូវការក្នុងពេលឆាប់ៗ។
គួរបញ្ជាក់ផងដែរថា អនាគតលោក Pochettino មានការរង្គោះរង្គើចាប់តាំងពី PSG បានធ្លាក់ចេញពីប្រកួត Champions League ត្រឹមវគ្គ១៦ក្រុមចុងក្រោយ ក្នុងរដូវកាលឆ្នាំ២០២១/២២កន្លងទៅនេះ ដោយឥឡូវនេះគឺដូចមជ្ឈដ្ឋានបាល់ទាត់ទូទៅរំពឹងទុកមែនថាលោកនឹងត្រូវបណ្ដេញចេញ ព្រោះតែ PSG គឺដាក់គោលដៅយកឈ្នះពាន UCL ដូច្នេះបើគ្រូណាមិនបានសម្រេចគោលដៅនេះនឹងត្រូវខាងក្លឹបបញ្ចប់តួនាទី៕
