/Nationalteam/Nationall-Team4/62b40af586907_1655966400_medium.jpg)
- 2022-06-23 06:47:05
- បាល់ទាត់
វឿន វ៉ា ថា រឿងដែលបារម្ភបំផុតសម្រាប់ការលេងពាន AFF U19 នោះគឺ...
- 2022-06-23 06:47:05
- ចំនួនមតិ 0 | ចំនួនចែករំលែក 0
វឿន វ៉ា ថា រឿងដែលបារម្ភបំផុតសម្រាប់ការលេងពាន AFF U19 នោះគឺ...
ចន្លោះមិនឃើញ
យុវជនជំនាញក្នុងការបញ្ចប់ទីរបស់ក្លឹបព្រៃវែង វឿន វ៉ា យល់ថា ក្រុម U19 ដែលត្រូវទៅលេងពាន AFF Boys U19 Championship 2022 នៅប្រទេសឥណ្ឌូណេស៊ី នឹងអាចពិបាកយល់ចិត្តគ្នាបន្តិច ព្រោះតែកីឡាករមិនបានហាត់ជុំគ្នាច្រើនដោយសារកីឡាកររវល់នៅតាមក្លឹបរៀងខ្លួនច្រើន។
«សម្រាប់បញ្ហាខ្ញុំគិតថា ចំណុចនៃការយល់ចិត្តគ្នាហ្នឹងបង វាអាចជាឧបសគ្គរបស់យើង ព្រោះអីកីឡាករយើងហាត់ជុំគ្នាបានតិចពេក។ និយាយទៅ១សប្ដាហ៍ហាត់ជុំគ្នាបានតែម្ដងទេ ព្រោះកីឡាករគេជាប់នៅតាមក្លឹបគេដែរ»។ នេះជាសម្ដីរបស់កីឡាករខាងលើ។
កីឡាករវ័យ១៩ឆ្នាំខាងលើបន្ថែមថា ការប្រមូលផ្ដុំខ្ទង់១ខែហើយ ខណៈការចេញដំណើរនឹងហោះទៅកាន់ប្រទេសឥណ្ឌូណេស៊ីថ្ងៃទី៣០ ខែមិថុនា ឆ្នាំ២០២២។ សម្រាប់ពូលរបស់កម្ពុជាក្នុងពាននេះមានប្រទេសសិង្ហបុរី, ម៉ាឡេស៊ី, ឡាវ និង ទីម័រខាងកើត។
យុវជនរូបនេះកើតថ្ងៃទី០៧ ខែឧសភា ឆ្នាំ២០០៣ នៅខេត្តព្រៃវែង។ មួយឆ្នាំពេញបង្ហាញខ្លួននៅ ព្រៃវែង ធ្វើឲ្យគេទទួលបានបទពិសោធកាន់តែច្រើន ក្នុងនាមជាកីឡាករអាជីពវ័យក្មេង។ យុវជនឆ្នើមរបស់ព្រៃវែងរូបនេះមានឪពុកឈ្មោះ វិន វឿន និង ម្ដាយឈ្មោះ ហឿន សារិន មានបងប្អូន ៣ នាក់គេជាកូនទី២ក្នុងគ្រួសារ៕
