Dybala ចេញវីដេអូលាអ្នកគាំទ្រ Juventus បន្ទាប់ពីរួមរស់ជាក្លឹបនេះអស់ ៧ឆ្នាំ

2022-05-18 11:20:05
បាល់ទាត់

2022-05-18 11:20:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Paulo Dybala នឹងចាកចេញពីក្លឹប Juventus នៅរដូវកាលថ្មីខាងមុខ បន្ទាប់ពីបានរួមរស់លេងឲ្យក្លឹបនេះអស់រយៈពេល ៧ឆ្នាំ។

កាលពីយប់ម្សិលមិញនេះ កីឡាករនេះបានចេញវីដេអូលាអ្នកគាំទ្រ Juventus ទាំងអស់ដែលតែងតែងគាំទ្រគេកន្លងមក។

ក្រោយការប្រកួតចប់នឹង Lazio នៅលើទីលាន Juventus ជាលើកចុងក្រោយកាលពីថ្ងៃអាទិត្យកន្លងទៅនេះ Dybala ក៏បានសម្រកទឹកភ្នែកយំយ៉ាងខ្លាំង លាទៅកាន់អ្នកគាំទ្រទាំងអស់ផងដែរ។

ក្នុងវីដេអូខាងលើនេះ Dybala បានសម្ដែងការអរគុណ និងចាំមិនភ្លេចនោះទេក្នុងរយៈពេល ៧ឆ្នាំកន្លងមកនេះចំពោះអ្នកគាំទ្រ និង Juventus ដែលបានលើកស្ទួយគាំទ្រគេ ធ្វើឲ្យគេល្អប្រសើរជាងមុនរហូតមក។

ក្នុងរយៈពេល៧ឆ្នាំកន្លងមក Dybala បានលេងឲ្យ Juventus បាន ២៩២ប្រកួត ស៊ុតចូល១១៥គ្រាប់ ជួយឲ្យឈ្នះពាន Serie A ៥ដង និង Coppa Italia ៤ដង។ កីឡាករនេះនឹងលេងឲ្យ Juventus លើកចុងក្រោយតទល់នឹង Firoentina នៅថ្ងៃទី២២ ខែឧសភា ឆ្នាំ២០២២ខាងមុខ។

ចំពោះក្លឹបដែល Dybala នឹងទៅលេងនៅរដូវកាលក្រោយមិនដឹងជាផ្លូវការនោះទេ៕