• 2022-05-10 03:44:50
  • បាល់ទះ

ស្មាត់រាជសរសើរ​កីឡាករលេង​ក្រៅ​ផ្លូវ​ការ​នៅ​វៀតណាម លេង​ល្អៗនិង​ប៉ះសេ​មិន​ជាប់​ដៃ

  • 2022-05-10 03:44:50
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុង​ការ​ប្រកួត​បាល់ទះ៤​ស្មើដណ្ដើម​ពាន​រង្វាន់ក្រៅ​ផ្លូវ​ការ​​មួយ​នៅ​ក្នុង​ប្រទេស​វៀតណាម​ ដែល​ទើប​តែ​បញ្ចប់​ថ្មីៗ​នេះក្រុម​​ LONG DŨNG BARBER ដែល​មាន​កីឡាករ​កម្ពុជា​២​រូប​គឺ​ស្មាត់​ស្ដាំ​យុន និង​​ស្មាត់​ឆ្វេង​រាជ ជា​ក្រុម​គ្រង​តំណែង​ជើង​ឯក។

ក្រោយ​ចប់​ការ​ប្រកួត​កីឡាករ​រហស្សនាម​អធិរាជ​ប្រអប់​ស្រុក​ខ្មែរ ទុយ រាជ បាន​ប្រាប់​មក​កាន់ Sabay ថា​ក្នុង​ការ​ប្រកួត​នោះ​មាន​​ច្រើន​ក្រុម​ដែល​មាន​សមត្ថភាព​ល្អៗ​ទាំង​ការ​លេង​ជា​ក្រុម ការ​ម៉ាត់​ ការ​ធ្វើ​រនាំង និង​ការការ​ពារ​ជាដើម ហើយ​អ្វី​ដែល​ស្មាត់​មក​ពី​ខេត្ត​កំពត​កោតសរសើរ​មួយ​ទៀត​នោះគឺ​ពួកគេ​លេង​មិន​ស្អិត​ជាប់​ដៃ​ឡើយ។

ស្មាត់​រាជ​បាន​បង្ហើប​ប្រាប់​ថា​ ៖«មាន​ប៉ុន្មាន​ក្រុម​បងអើយល្អៗ​ណាស់ ទាំង​រឹង​ទាំង​ជើង​ក្រោម​ទាំង​ការ​ម៉ាត់​ទាំង​រនាំង​ទាំង​សឺវីស​ និយាយ​រួម​​ពួកគេ​ល្អៗ​ហ្មងៗ​ ប៉ះសេគេ​ស្តង់​ដារ​ទាំង​អស់ ប៉ះសេ​និយាយ​រួម​គឺ​ល្អ​ប៉ាដោយ ល្អ​សឹង​គ្រប់​ក្រុម ហើយ​ខ្ពស់ៗ​ទៀត»។

គួរ​បញ្ជាក់​ថា បងប្អូន​បង្កើត​របស់​យុន រាជ ត្រូវ​បាន​ក្រុម LONG DŨNG BARBER ទិញ​យក​ទោ​លេង​ក្នុង​ការ​ប្រកួត​បាល់ទះ​៤​ស្មើ​ក្រៅ​ផ្លូវ​ការ​មួយ ហើយ​អ្នកទាំង​ពីរ​​បាន​ជួយ​ឱ្យ​ក្រុម​មួយ​នេះ​លើក​ពាន​នោះ​តែ​ម្ដង៕

អត្ថបទ៖ អ៊ុំ សុភក្តិ

មតិយោបល់
អត្ថបទពេញនិយម