- 2022-05-09 04:05:30
- បាល់ទះ
គ្រូជម្រើសបាល់ទះជាតិកម្ពុជា Li Jun យកប្រទេស២ធ្វើជាគោលដៅប្រកួតប្រជែងសម្រាប់ SEA Games ឆ្នាំនេះ
- 2022-05-09 04:05:30
- ចំនួនមតិ 0 | ចំនួនចែករំលែក 0
គ្រូជម្រើសបាល់ទះជាតិកម្ពុជា Li Jun យកប្រទេស២ធ្វើជាគោលដៅប្រកួតប្រជែងសម្រាប់ SEA Games ឆ្នាំនេះ
ចន្លោះមិនឃើញ
លោក Li Jun គ្រូបង្វឹកបាល់ទះក្នុងសាលជម្រើសជាតិកម្ពុជា បានឱ្យដឹងកាលពីពេលថ្មីៗថា លោកបានយកប្រទេសថៃនិងហ្វីលីពីនធ្វើជាគោលដៅ ដើម្បីហ្វឹកហាត់និងប្រកួតប្រជែងជាមួយពួកគេនៅព្រឹត្តិការណ៍កីឡាស៊ីហ្គេមលើកទី៣១នៅវៀតណាមឆ្នាំ២០២២នេះ ដ្បិតប្រទេសទាំងពីរជាក្រុមលេខ២និងលេខ៣កាលពីអាណត្តិមុន។
ក្នុងបទសម្ភាសន៍មួយបង្ហោះលើផេកសហព័ន្ធកីឡាបាល់ទះកម្ពុជា គ្រូបង្វឹកជនជាតិចិនបានបញ្ហាក់ថា ៖«សម្រាប់ការប្រកួតនេះដែរគឺយើងនៅក្នុងពូលជាមួយប្រទេសថៃនិងហ្វីលីពីន ដែលពួកគាត់កាលពីអាណត្តិមុន ពួកគេក្រុមមួយគឺលេខ២និងក្រុមមួយគឺលេខ៣ ដូច្នេះហើយទើបការហ្វឹកហាត់មួយរយៈពេលចុងក្រោយនេះ គឺខ្ញុំយកក្រុមរបស់គាត់ទាំងពីរដែលជាក្រុមខ្លាំងធ្វើជាគោលដៅ ហើយប្រឹងហ្វឹកហាត់ដើម្បីប្រកួតជាមួយពួកគាត់ ការងារទីមួយនាពេលឥឡូវនេះគឺរៀបចំកីឡាករយើងឱ្យបានត្រឹមត្រូវ ដើម្បីប្រឈមមុខនឹងគូបក្សដិបក្ខរបស់ពួកយើង»។
បើតាមការឱ្យដឹងបន្ថែមពីលោក Li Jun កីឡាករបាល់ទះក្នុងសាលរបស់កម្ពុជា មានទាំងកីឡាករចាស់ៗនិងកីឡាករថ្មីៗ។ សម្រាប់កីឡាថ្មីៗសុទ្ធជាកីឡាករប្រឡូកក្នុងការប្រកួតក្នុងឆាកអន្តរជាតិជាលើកទីមួយ។
លោកបានរៀបរាប់បន្ថែមថា ៖«បច្ចុប្បន្ននេះនិយាយពីវ័យវិញមានដល់ទៅបីវ័យ វ័យចាស់ កណ្ដាល ក្មេង គឺមានទាំងអស់នៅក្នុងក្រុមរបស់យើង ហើយសម្រាប់កីឡាករក្មេងៗដែលទើបតែចូលនេះ ខ្ញុំនឹងខំបង្វឹកពួកគាត់ដើម្បីធ្វើជាថ្នាលមួយជាធ្នង់មួយដើម្បីត្រៀមការប្រកួតសម្រាប់ស៊ីហ្គេមដែលរៀបចំដោយប្រទេសកម្ពុជាយើងផ្ទាល់ យុទ្ធសាស្ត្ររបស់ខ្ញុំនៅពេលនេះគឺប្រើក្មេងៗដើម្បីសម្រុក ហើយប្រើកីឡាករចាស់ៗដើម្បីទប់»៕