/Visakha-V/VSK-1/6268b206a4b31_1651028460_medium.jpg)
- 2022-04-27 06:30:12
- បាល់ទះ
តាមពិតរបួសរបស់ គួន ម៉ុម មិនទាន់ជា១០០%ឡើយគ្រាន់តែ...
- 2022-04-27 06:30:12
- ចំនួនមតិ 0 | ចំនួនចែករំលែក 0
តាមពិតរបួសរបស់ គួន ម៉ុម មិនទាន់ជា១០០%ឡើយគ្រាន់តែ...
ចន្លោះមិនឃើញ
របួសស្មាខាងស្ដាំរបស់ស្មាត់ជម្រើសជាតិកម្ពុជាប្រភេទកីឡាបាល់ទះលើក្ដារ គួន ម៉ុម មិនទាន់ជាសះស្បើយ១០០%ឡើយ ខណៈដែលរូបគេ នឹងត្រូវបំពេញភារកិច្ចជួយជាតិក្នុងព្រឹត្តិការណ៍ស៊ីហ្គេមឆ្នាំ២០២២ នៅប្រទេសវៀតណាម។
ស្មាត់ស្ដាំមកពីខេត្តតាកែវបានឲ្យដឹងថា របួសរបស់គេមិនទាន់បានជាសះស្បើយ ១០០ % ឡើយ គ្រាន់តែបានគ្រាន់បើជាងមុន និង អាចលេងបាន។ ប៉ុន្តែបើសិនសួរថា ជាហើយឬនៅគេមិនទាន់ជាទេ ព្រោះនៅឈឺតិចៗដដែល គេគិតថារបួសនេះចង់ឲ្យជាសះស្បើយតែម្ដងមានតែឈប់លេងបាល់ទើបជាដាច់តែម្ដង។ គួន ម៉ុម មែនទែនទៅគេជាកីឡាករម្នាក់ដែលមិនគួរខ្វះឡើយ ក្នុងការចេញទៅវៀតណាមលើកនេះ ព្រោះគេមានសមត្ថភាព និងបទពិសោធគ្រប់គ្រាន់ក្នុងការប្រកួតទល់ប្រទេសល្អៗ ដូចជាហ្វីលីពីន និងថៃ។
យ៉ាងណាគួន ម៉ុម រំពឹងថា រូបគេនឹងអាចលេងបាន ក្នុងការប្រកួតនៅវៀតណាម បើទោះរបួសនេះមិនទាន់ជាសះស្បើយ១០០%ក្ដី។ សម្រាប់បាល់ទះពូលរបស់កម្ពុជាជាពូលដ៏លំបាកមួយព្រោះ ប៉ះសុទ្ធតែកំពូលប្រទេសដែលមានសមត្ថភាពផ្នែកបាល់ទះក្នុងតំបន់អាស៊ានទៅហើយ ដោយមានថៃ និងហ្វីលីពីន ៕
