- 2022-04-25 02:16:07
- បាល់ទាត់
ក្ដីស្រឡាញ់ចង់លើកស្ទួយ សាត ស៊ីវ៉ែន ចំណាយខ្ទង់៤ម៉ឺនដុល្លារបង្កើតពាន Makor Futsal
- 2022-04-25 02:16:07
- ចំនួនមតិ 0 | ចំនួនចែករំលែក 0
ក្ដីស្រឡាញ់ចង់លើកស្ទួយ សាត ស៊ីវ៉ែន ចំណាយខ្ទង់៤ម៉ឺនដុល្លារបង្កើតពាន Makor Futsal
ចន្លោះមិនឃើញ
លោក សាត ស៊ីវ៉ែន ដោយសារចិត្តស្រឡាញ់ គាំទ្រ និងចង់ផ្សព្វផ្សាយបាល់ទាត់ សុខចិត្តចំណាយប្រាក់ខ្ទង់៤ម៉ឺនដុល្លារបង្កើតពានរង្វាន់ Makor ដែលទើបរកឃើញម្ចាស់ជើងឯកគឺក្រុម OVMAL FC ម្សិលមិញនេះ។
លោក សាត ស៊ីវ៉ែន បានឲ្យដឹងថា ពានរង្វាន់ Makor Futsal បញ្ចប់ទៅយ៉ាងជោគជ័យក្រោយដំណើរការប្រកួតអស់ប្រហែល៤ខែមកនេះបើទោះជាមានការនឿយហត់ខ្លាំងក្ដី។ ពានរង្វាន់នេះគឺមានការចាប់អារម្មណ៍ខ្លាំងពីសំណាក់ក្រុមនានាដែលបានមកចុះឈ្មោះប្រកួតលើសការរំពឹងក្នុងនោះមានក្រុមថ្មី ក្រុមខ្លាំងៗ និងក្រុមពីខេត្តជាច្រើនផងដែរ។
អ្នកគាំទ្របាល់ទាត់ស្មោះស្ម័គ្ររូបនេះបន្ថែមទៀតថា បើនិយាយពីខ្ទង់ចំណាយវិញសរុបអស់ជាង ៤ម៉ឺនដុល្លារឯណោះទៅលើការដំណើរការប្រកួត និងរួមទាំងប្រាក់រង្វាន់ម្ចាស់ជយលាភីផ្សេងៗផង។ ការចំណាយនេះមួយភាគធំគឺលោកចេញថវិកាផ្ទាល់ខ្លួន និងទទួលបានការឧបត្ថម្ភខ្លះៗពីក្រុមហ៊ុនមួយចំនួនផងដែរ។
ការចំណាយថវិកាច្រើនសន្ធឹក និងពេលវេលាផ្ទាល់ខ្លួនបែបនេះ គឺ សាត ស៊ីវ៉េន បញ្ជាក់ថាកើកចេញពីការស្រឡាញ់វិស័យបាល់ទាត់ Futsal និងចង់ជួយផ្សព្វផ្សាយ បណ្ដុះធនធានកីឡាករថ្មីៗតាមរយៈការបង្កើតជាពាន ជាការប្រកួតផ្សេងៗនេះឡើង។
រលឹកដែរថា ពានរង្វាន់ Makor Futsal នេះគឺមាន២៤ក្រុម និងចាប់ផ្ដើមប្រកួតពីខែវិច្ឆិកា ២០២១ មកម្ល៉េះ។ ក្រុមចំណាត់ថ្នាក់លេខ១ បានលើ OVMAL FC បន្ទាប់ពីយកឈ្នះក្រុមលេខ២ Van Da Sak ៥-០ ល្ងាចម្សិលមិញនេះនៅទីលាន Makor Futsal Park៕
