- 2022-04-22 08:54:32
- បាល់ទាត់
ខឹងរំខានខ្លាំងពេក Mike Tyson វាយអ្នកដំណើរលើយន្តហោះម្នាក់បែកឈាមពេញក្បាល
- 2022-04-22 08:54:32
- ចំនួនមតិ 0 | ចំនួនចែករំលែក 0
ខឹងរំខានខ្លាំងពេក Mike Tyson វាយអ្នកដំណើរលើយន្តហោះម្នាក់បែកឈាមពេញក្បាល
ចន្លោះមិនឃើញ
អតីតកីឡាករប្រដាល់ Mike Tyson បានបង្កភាពភ្ញាក់ផ្អើល ដោយវាយលើអ្នកដំណើរក្នុងយន្តហោះម្នាក់បែកឈាមក្បាលព្រោះតែរំខានខ្លាំងពេក ។
រឿងរ៉ាវរហូតដល់ Tyson ហ៊ានលើកដៃវាយ ដោយសារអ្នកគាំទ្រម្នាក់ដែលអង្គុយនៅក្រោយគេរំភើបហួសហេតុ និងនិយាយដាក់ត្រជាក់របស់គេនាំឲ្យមានការរំខាន។ រឿងហេតុបានកើតឡើងមុនពេលហោះហើរចាកចេញពីប្រលានយន្តហោះអន្តរជាតិ San Francisco International Airport ឆ្ពោះទៅកាន់រដ្ឋ Florida។
សាក្សីនៅកន្លែងកើតហេតុបានឲ្យដឹងថា Tyson ដំបូងរីករាយជាមួយអ្នកដំណើរទាំងអស់ រួមទាំងអ្នកអង្គុយនៅក្រោយលោកផងដែរ។ យ៉ាងណាក្ដី អ្នកដំណើរដែលនៅខាងក្រោយ Tyson ម្នាក់បានព្យាយាមបន្តរំខានដល់រូបគេ ទើបធ្វើឲ្យមានអំពើហិង្សាកើតឡើង។ តាមរយៈវីដេអូ Tyson បានវាយបុរសម្នាក់ចំមុខជាច្រើនដៃរហូតបែកឈាម។
ប្រភពពីក្រុមការងាររបស់ Tyson បានបញ្ជាក់បន្ថែមថា បុរសអ្នកដំណើរម្នាក់នោះថែមទាំងបានគប់ដបទឹកមកលើអតីតម្ចាស់ខ្សែក្រវាត់ទម្ងន់ធ្ងន់ពិភពលោកទៀតផង។ ក្រោយកើតហេតុ Tyson បានដើរចេញពីយន្តហោះ ឯជនរងគ្រោះត្រូវបានព្យាបាលនិងផ្ដល់ចម្លើយដល់ប៉ូលិស៕
