- 2022-04-22 08:12:43
- ព័ត៌មាន
មានកិត្តិយសណាស់! អត្តពលិកកម្ពុជាជាង៥០០នាក់ នឹងជួបសម្ដែងការគួរសមជាមួយសម្ដេច ហ៊ុន សែន មុនទៅ SEA Games នៅវៀតណាម
- 2022-04-22 08:12:43
- ចំនួនមតិ 0 | ចំនួនចែករំលែក 0
មានកិត្តិយសណាស់! អត្តពលិកកម្ពុជាជាង៥០០នាក់ នឹងជួបសម្ដែងការគួរសមជាមួយសម្ដេច ហ៊ុន សែន មុនទៅ SEA Games នៅវៀតណាម
ចន្លោះមិនឃើញ
ព្រឹត្តិការណ័កីឡា SEA Games លើកទី៣១នៅទីក្រុងហាណូយប្រទេសវៀតណាម នឹងចាប់ផ្ដើមនាថ្ងៃទី១២ ខែឧសភា ដល់ថ្ងៃទី២៣ ខែឧសភា ឆ្នាំ២០២២។ មុនចេញទៅប្រកួតនៅប្រទេសភូមិផងរបងជាមួយគ្នានេះ នៅថ្ងៃទី២៨ ខែមេសាខាងមុខ អត្តពលិកកម្ពុជាជាង៥០០នាក់ នឹងមានឱកាសចូលរួមសម្ដែងការគួរសមជាមួយប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន នៅមជ្ឈមណ្ឌលកោះពេជ្រ វេលាម៉ោង៨ព្រឹក។ នេះបើយោងតាមប្រសាសន៍របស់ឯកឧត្ដម វ៉ាត់ ចំរើន ក្នុងកិច្ចប្រជុំគណៈកម្មការជាតិរៀបចំកីឡាអាស៊ីអាគ្នេយ៍ ហៅកាត់ថា CAMSOC នៅទីស្នាក់ការ NOCC នាព្រឹកមិញ។
អគ្គលេខាធិការនៃគណៈកម្មាធិការជាតិអូឡាំពិកកម្ពុជាឯកឧត្ដម វ៉ាត់ ចំរើន បានបន្ថែមថា អត្តពលិកទាំងអស់នឹងទទួលបានអនុសាស្ត្រលើកទឹកចិត្ត និងចិត្តសាស្ត្រដ៏ខ្ពង់ខ្ពស់របស់សម្ដេច មុនចេញទៅប្រកួតដណ្ដើមមេដាយជូនប្រទេសជាតិ។
ឯកឧត្ដម វ៉ាត់ ចំរើន បានបញ្ជាក់បែបនេះ ៖«យើងដឹងថាមានតែប្រមុខរាជរដ្ឋាភិបាលសម្ដេចតេជោទេ ដែលតែងតែយកចិត្តទុកដាក់ខ្ពស់ និងផ្ដល់ការជម្រុញលើកទឹកចិត្តទៅប្រកួត ក្នុងនាមជានាយករដ្ឋមន្ត្រីនៃព្រះរាជាណាចក្រកម្ពុជា ហើយនេះក៏ជាការជម្រុញចិត្តសាស្ត្រកីឡាមួយឱ្យកីឡាករកីឡាការិនីហ្នឹង គាត់បានទទួលនូវថាមពលនៃចិត្តសាស្ត្របន្ថែម ដើម្បីឱ្យគាត់ធ្វើការប្រកួតទៅមានប្រសិទ្ធភាពបន្ថែមក្នុងការជម្រុញទឹកចិត្តឱ្យជំនាញរបស់គាត់កាន់តែល្អ»។
គួរបញ្ជាក់ថា ក្នុងការប្រកួតព្រឹត្តិការណ៍កីឡា SEA Games លើកទី៣១នៅប្រទេសវៀតណាមឆ្នាំ២០២២នេះ កម្ពុជាត្រៀមបញ្ជូនអត្តពលិកជាង៥០០នាក់ លើ៣២ប្រភេទកីឡាដើម្បីប្រកួតប្រជែងដណ្ដើមមេដាយ៕
