Ultra Fan របស់ Tiger មានសមាជិកជិត ១៥០នាក់និងមានលក្ខខណ្ឌអ្វីខ្លះដើម្បីចូលរួមបាន?

2022-03-22 02:57:04
បាល់ទាត់

2022-03-22 02:57:04
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះគេឃើញថា Ultra Fan របស់ក្លឹប Angkor Tiger ហាក់មានចំនួនយ៉ាងច្រើនក្នុងពេលមានការប្រកួតម្ដងៗពិសេសនៅលើទឹកដីរបស់ Angkor Tiger នាខេត្តសៀមរាបតែម្ដង។ សម្រាប់ចំនួនតួលេខច្បាស់ការបច្ចុប្បន្នអាមមីរបស់ Tiger មានចំនួន ១៤៧ នាក់ទាំងក្មេង និងចាស់ ជាមួយគ្នានោះតើត្រូវការមានលក្ខខណ្ឌអ្វីខ្លះបើសិនមានអ្នកចង់ចូលរួមបន្ថែមទៀត?

លោក មាន់ ព្រៃ (រូបថត Tiger)

ទាក់ទងលក្ខណនៃការចូលរួមជា Ultra Fan នេះលោក ផុន សុភា ឈ្មោះហៅក្រៅ មាន់ ព្រៃ អនុប្រធានទី២នៃក្រុមអ្នកគាំរបស់ Tiger ឲ្យដឹងថា ដើម្បីចូលជាសមាជិកនេះបានចាំបាច់ត្រូវឆាតទៅ Page ផ្លូវការ Tiger Army ឬក្រុមការងារ ឬថ្នាក់ដឹកនាំ ហើយត្រូវប្រកាន់ខ្ជាប់នូវលក្ខខណ្ឌដូចខាងក្រោម ៖

ទី១-សមាជិក ត្រូវចេះច្រៀង
ទី២-កាយវិការ ឬរាំ
ទី៣-គោរពថ្នាក់ដឹកនាំ
ទី៤-មិនត្រូវជេរប្រមាថ កីឡាករ
ទី៦- រក្សាភាពថ្លៃថ្នូរ មិនឈ្លោះគ្នា
ទី៧-ត្រូវមានឯកសណ្ឋាន ដែលថ្នាំដឹកនាំបានកំណត់
ទី៨-គោរពពេលវេលា ។ល។

អនុប្រធានទី២ខាងលើបានបញ្ជាក់បន្ថែមថា« ចំពោះសមាជិកថាយហ្គឺរ មានប្រើកាត និងប្រើសំបុត្រ តែបច្ចុប្បន្ននេះពួកយើង មិនប្រើកាតទេ គឺប្រើឯកសណ្ឋាន ទឹកក្រូចសុទ្ធគឺ មានសិទ្ធិចូលរួមការប្រកួត ដោយមិនបាច់ចំណាយលុយទេ»។ លោកបន្ថែមទៀតថា ការមិនចំណាយនេះគឺចង់ផ្ដោតតែលើការប្រកួតក្នុងទឹកដីតែប៉ុណ្ណោះ។ ចំណែកការប្រកួតក្រៅដីវិញ ឬតាមខេត្តផ្សេងៗ អាចមានចំណាយខ្លះៗ ពោលគឺជួយគ្នាដើម្បីបានទៅចូលរួមគាំទ្រតែម្លៃសមរម្យណាមួយ។

សូមបញ្ជាក់ថា នាថ្ងៃប្រកួតទល់បឹងកេតចុងសប្ដាហ៍នេះក្រុមអ្នកគាំទ្ររបស់ Tiger នឹងមកចូលរួមគាំទ្រក្លឹបរបស់ខ្លួនផងដែរ៕