- 2022-03-15 03:55:27
- បាល់ទាត់
ហេតុផលនេះហើយ ដាវ នីម ថាខ្លួនលេងមិនទាន់ស៊ីចង្វាក់ជាមួយក្រុមឡើយ
- 2022-03-15 03:55:27
- ចំនួនមតិ 0 | ចំនួនចែករំលែក 0
ហេតុផលនេះហើយ ដាវ នីម ថាខ្លួនលេងមិនទាន់ស៊ីចង្វាក់ជាមួយក្រុមឡើយ
ចន្លោះមិនឃើញ
រដូវកាលឆ្នាំ២០២២នេះខ្សែប្រយុទ្ធ ដាវ នីម បានផ្លាស់ពីក្លឹបបាល់ទាត់គិរីវង់សុខសែនជ័យទៅកាន់ណាហ្គាវើលដ៍។ ការមកកាន់ក្លឹបថ្មីនេះដែរ ដាវ នីម ថារូបគេលេងមិនទាន់យល់ចិត្តជាមួយមិត្តរួមក្រុមនៅឡើយទេ។
លេងមិនទាន់យល់ចិត្ត ដ្បិតគេជាកីឡាករចំណូលថ្មី ខណៈលីគកំពូលកម្ពុជាក៏ទើបតែចាប់ផ្ដើម ដែលមកទល់នឹងពេលនេះណាហ្គាវើ់លដ៍ ទើបលេងបាន២ប្រកួតប៉ុណ្ណោះ។ ពីរប្រកួតកន្លងមក ដាវ នីម ត្រូវបានលោកគ្រូបង្គោល ឃឹម បូរី ប្ដូរចូលនៅចុងម៉ោងទាំងអស់។
អតីតខ្សែប្រយុទ្ធមុតស្រួចរបស់គិរីវង់សុខសែនជ័យ បានបញ្ជាក់បន្ថែមថា ៖«លីគទើបចាប់ផ្ដើម អត់សូវយល់ពីគ្នា វាអត់ទាន់ចូលចង្វាក់គ្នា តែយើងធ្វើម៉េចយើងខំប្រឹងយើងស្ដាប់គ្រូណែនាំ ស្ដាប់មិត្តភ័ក្តិបងបងក្នុងក្រុម យើងខំប្រឹងព្យាយាមលេងឱ្យយល់ពីគ្នា»។
រដូវកាលថ្មីជាមួយទ្រនំថ្មី ដាវ នីម បានប្ដេជ្ញាថាគេនឹងខំប្រឹងប្រែងហ្វឹកហាត់ យកចិត្តទុកដាក់ស្ដាប់គ្រូនិងមិត្តរួមក្រុម ដើម្បីជួយឱ្យក្លឹបបាល់ទាត់ណហា្គាវើលដ៍កាន់តែរីកចម្រើននិងទទួលបានលទ្ធផលល្អ៕
