កក្រើកហើយ! ពាក់កណ្ដាលខែ៥ នឹងមានការប្រកួតក្រៅផ្លូវការបីស្មើរវាង រាជ និងវៀតណាមនៅខេត្តកំពង់ស្ពឺ

2022-03-15 02:13:55
បាល់ទះ

2022-03-15 02:13:55
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពាក់កណ្ដាលខែឧសភា ឆ្នាំ២០២២ នឹងមានការប្រកួតបាល់ទះក្រៅផ្លូវការបីស្មើដ៏កក្រើករវាងកីឡាករកម្ពុជានិងកីឡាករវៀតណាម នៅតារាងបាល់ទះស្មីតក្រុងច្បារមនខេត្តកំពង់ស្ពឺ។ នេះបើតាមការឱ្យដឹងពីលោក ស្មីត អ្នកប៉ះសេរបស់ស្មាត់ទូចអង្គរក្ស។

លោកស្មីតបានបង្ហើបប្រាប់ថា Sponsor ខាងវៀតណាមចង់នាំកីឡាកររបស់ពួកគេលេងជាមួយកីឡាករកម្ពុជា ប៉ុន្តែគេមិនឱ្យមានស្មាត់យុនស្រែស្រែ និងឥន្ទ្រីពិឃាដឌូកឡើយ។ បីស្មើស្រុកខ្មែរជ្រើសកីឡាករណាជ្រើសទៅ ហាមមិនឱ្យមានយុននិងឌូក។

លោកស្មីតដែលជា Sponsor ធំមួយរូបពន្យល់ថា ៖«គេថាកីឡាករស្រុកខ្មែរយកអ្នកណាយកទៅ តែគេអត់ហ៊ានជាមួយស្មាត់យុននិងឌូកទេ។ រាជគេឱ្យគេអត់ខ្លាចទេ»។

ទូចអង្គរក្ស (ឆ្វេង) លោក ស្មីត (កណ្ដាល) រាជ (ស្ដាំ)

បើមិនមានយុននិងឌូក ជម្រើសដ៏ល្អរបស់កម្ពុជា លោកស្មីតមើលឃើញអធិរាជប្រអប់ស្មាត់រាជឆ្វេង ទូចអង្គរក្សស្មាត់ស្ដាំ ចំណែកអ្នកប៉ះសេមានពីរជម្រើសគឺ នួន វិចិត្រ អ្នកប៉ះសេដៃទី២របស់ក្លឹបបញ្ជាការដ្ឋានអង្គរក្ស និង ប៊ន ណារិទ្ធ អ្នកប៉ះសេដៃទី១របស់ក្លឹបបាល់ទះក្រសួងមហាផ្ទៃ។

គួរបញ្ជាក់ថា ការប្រកួតនេះលេងដោយសេរី ប៉ុន្តែមិនប៉ះសេ និងបោកជាប់ដៃឡើយ។ យ៉ាងណាសម្រាប់កីឡាករខាងវៀតណាមលោកស្មីតក៏មិនទាន់ដឹងដែរថា គេមិនសមត្ថភាពកម្រិតណាទេ ជាកីឡាករជម្រើសជាតិវៀតណាម ឬកីឡាករលេងក្រៅប្រព័ន្ធដែរ៕

អត្ថបទ៖ អ៊ុំ សុភក្តិ