- 2022-03-10 13:39:16
- បាល់ទាត់
ប្រធានសមាគមបាល់ទាត់ Tiffy Army ឧបត្ថម្ភអង្ករ៣០បាវ ដល់សាលាដុនបូស្កូល ខេត្តកែប
- 2022-03-10 13:39:16
- ចំនួនមតិ 0 | ចំនួនចែករំលែក 0
ប្រធានសមាគមបាល់ទាត់ Tiffy Army ឧបត្ថម្ភអង្ករ៣០បាវ ដល់សាលាដុនបូស្កូល ខេត្តកែប
ចន្លោះមិនឃើញ
ប្រធានសមាគមបាល់ទាត់ Tiffy Army និងក្រុមការងារ TV5 ម្សិលមិញនេះបាននាំយកនូវអង្ករ ៣០បាវ ភេសជ្ជៈ ៣០កេស រួមទាំងគ្រឿងឧបភោគបរិភោគមួយចំនួនទៀតឧបត្ថម្ភដល់ សាលាដុនបូស្កូល ខេត្តកែប។
លោក ហួង តារាមុន្នី តំណាងឲ្យលោក សុផាឆៃ វិរៈភុជុង បានឲ្យដឹងថា ដោយមើលឃើញពីការលំបាកក៏ដូចជាការចំណាយច្រើន តម្រូវការស្បៀងអាហារច្រើនក្នុងមួយខែៗរបស់សាលាដុនបូស្កូ ខេត្តកែប ដូច្នេះលោកគឺបាននាំយក អង្ករផ្កាម្លិះ ៣០បាវ ភេសជ្ជៈBlue ១០កេស ថ្នាំដុសធ្មេញសញ្ញាផ្កាឈូក ២១កេស មីខ្លាឃុំ៣០កេស ទឹកស៊ីអ៊ីវ ៥០យួរ និងគ្រឿងឧបភោគបរិភោគមួយចំនួនទៀតដើម្បីសម្រាលបន្ទុកមួយកម្រិត។
តំណាងខាងលើបន្ថែមទៀតថា អំឡុងកូវីដនេះគឺស្ទើរគ្រប់គ្នាតែងតែជួបការលំបាក យ៉ាងណាចំពោះសាលាដុនបូស្កូល ខេត្តកែប នេះក៏ដូចគ្នាផងដែរ។ ជាសាលាដែលមិនរកប្រាក់កម្រៃ និងបានបណ្ដុះបណ្ដាលសិស្សនិស្សិតក្រីក្ររាប់ពាន់អ្នកមកហើយ នៅពេលនេះមានបន្ទុកធ្ងន់ត្រូវចិញ្ចឹមផ្គត់ផ្គង់ទាំងបុគ្គលិកសរុប៦០០នាក់មានការលំបាកខ្លាំងជាហេតុនាំឲ្យលោក និងក្រុមការងារគៀងគរគ្នាបានជាការឧបត្ថម្ភនេះឡើង។
បញ្ជាក់ដែរថា កន្លងទៅលោក សុផាឆៃ វិរៈភុជុង ប្រធានសមាគមបាល់ទាត់ Tiffy Army និងក្រុមការងារ TV5 តែងតែដឹកនាំក្រុមកីឡាករចុះជួយឧបត្ថម្ភដល់ទីវត្តអារាមជុំវិញរាជធានីភ្នំពេញ ប្រហែល១០០វត្តមកហើយ។ ក្រៅពីនេះក៏បានដឹកនាំកីឡាករធ្វើការអប់រំចិត្តតាមបែបព្រះពុទ្ធសាសនា ដូចជាសមាធិជាដើមដើម្បីរៀនឃុំគ្រងអារម្មណ៍ឲ្យបានល្អត្រៀមការប្រកួតផ្សេងៗ៕
