/6225e4f9a06aa_1646650560_medium.jpg)
- 2022-03-07 11:00:31
- បាល់ទាត់
Rashford កំពុងគិតគូរពីអនាគតរបស់ខ្លួននៅ Man Utd
- 2022-03-07 11:00:31
- ចំនួនមតិ 0 | ចំនួនចែករំលែក 0
Rashford កំពុងគិតគូរពីអនាគតរបស់ខ្លួននៅ Man Utd
ចន្លោះមិនឃើញ
ខ្សែប្រយុទ្ធ Marcus Rashford កំពុងគិតគូរពីអនាគតរបស់ខ្លួននៅក្លឹប Manchester United ដោយនឹងអាចចាកចេញពីក្លឹបនេះនៅរដូវកាលក្ដៅខាងមុខ។ នេះបើយោងតាមការចុះផ្សាយរបស់ Daily Mail ។
ប្រភពជាច្រើនបានឲ្យដឹងថា Rashford ហាក់ដូចជាមិនសប្បាយចិត្តក្រោមការដឹកនាំរបស់ លោក Ralf Rangnick អ្នកចាត់ការបណ្ដោះអាសន្នរបស់ក្រុមបិសាចនេះទេ ដោយសារតែក្រោមការដឹកនាំរបស់លោក គេមិនបានទទួលម៉ោងលេងពេញលេញ និងមិនមែនជាជម្រើសដំបូងដែលដាក់ឲ្យចូលលេងនោះទេ។
មួយវិញទៀតដោយសារ លោក Rangnick នឹងនៅបន្តពាក់ព័ន្ធនឹងការដឹកនាំរបស់ Man Utd ដោយចប់រដូវកាលនេះលោកនឹងក្លាយជាអ្នកប្រឹក្សារបស់ក្លឹបនេះ ដូច្នេះហើយនៅខណៈបានធ្វើឲ្យ Rashford ខ្វាយខ្វល់នឹងអនាគតរបស់គេនៅទីនេះ ដោយគេចង់ដឹងច្បាស់លាស់ថាក្លឹបគិតគូរបែបណាចំពោះគេ ដើម្បីងាយគេគិតគូរសម្រេចអនាគតនៅរដូវកាលនេះតែម្ដង។
Rashford មកលេងឲ្យក្រុម Man Utd តាំងពីក្មេងមក ដោយបានផ្លាស់មកក្រុមឈុតធំនៅរដូវកាលឆ្នាំ២០១៥-១៦។ នៅរដូវកាលនេះ គេចូលលេងឲ្យ Man Utd បាន ២៤ប្រកួត និងរកគ្រាប់បាល់បាន ៥គ្រាប់។ កីឡាករនឹងចប់កុងត្រានៅឆ្នាំ២០២៣ខាងមុខ ដោយមានលក្ខខណ្ឌអាចបន្តបាន១ឆ្នាំទៀតពីក្លឹប។៕
