លោក សាន សុក្រិត្យ ពន្យល់ថា សឿន ហេង មានសមត្ថភាពខ្ពស់ និងយល់ជាង គួន ម៉ុម

2022-03-03 03:26:43
បាល់ទះ

2022-03-03 03:26:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សាន សុក្រិត្យ អតីតគ្រូបង្វឹករបស់ក្លឹបវិសាខា បានពន្យល់ថា សឿន ហេង ជាកីឡាករមានសមត្ថភាពខ្ពស់ ហើយការប្រកួតហាក់យល់ជាង គួន ម៉ុម ។ ការលើកឡើងនេះក្រោយពេលដែល គួន ម៉ុម ទំនងមិនអាចចេញទៅលេងនៅស៊ីហ្គេមបានដោយសាររបួសរលាកស្មាស្ដាំធ្ងន់ធ្ងរ។

កាលពីពេលថ្មីៗត្រូវបានគេដឹងថា គួន ម៉ុម បានរងរបួសខាងលើ ហើយខកខានហ្វឹកហាត់ពីរ-បីសប្ដាហ៍ ខណៈការព្យាបាលហាក់មិនទាន់មានការធូរស្រាល។ យ៉ាងណាជុំវិញការចេញទៅលេងនៅ វៀតណាម គួន ម៉ុម មិនត្រូវបានគេរំពឹងថា នឹងបានទៅទេ ខណៈកីឡាករជម្រើសជាតិ សឿន ហេង ត្រូវបានគេដឹងថា នឹងជំនួសតួនាទីនេះ។

សម្រាប់សមត្ថភាពវិញក៏មិនត្រូវបានគេដឹងច្បាស់ដែរ ព្រោះអី សឿន ហេង មិនដែលចេញលេងក្រៅផ្លូវការ ប៉ុន្តែពេលនេះអតីតគ្រូរបស់វិសាខាបានសរសេរបង្ហោះលើគណនីរបស់ខ្លួនថា «កីឡាករ សឿន ហេង គាត់មានសមត្ថភាពខ្ពស់ និងយល់ជាង គួន ម៉ុម, សឿន ហេង ចាញ់ គួន ម៉ុម ត្រង់កម្ពស់ តែសមត្ថភាព និងបច្ចេកទេសមិនចាញ់គ្នាទេ»។

សឿន ហេង ជាកីឡាករបាល់ទះអាជីពដ៏ល្អម្នាក់របស់កម្ពុជា ហើយក៏ជាកីឡាករឆ្នើមក្នុងក្រុមវិសាខា ដែលបច្ចុប្បន្នមានតួនាទីជាស្មាត់ស្ដាំតំណែងលេខ១០ ដែលប្រិយមិត្តភាគច្រើនអាចមិនសូវស្គាល់ ប៉ុន្តែគេជាស្មាត់ដែលមានសមត្ថភាពមិនធម្មតា។ ស្មាត់ស្ដាំរូបនេះមានស្រុកកំណើតនៅភូមិឯករ៉ាម សង្កាត់ជើងទឹក ស្រុកកំពង់លាវ ខេត្ត ព្រៃវែង ។ យុវជនរូបនេះទើបតែមានវ័យ ២១ ឆ្នាំប៉ុណ្ណោះ ពោលគឺគេកើតថ្ងៃទី០២ ខែមេសា ឆ្នាំ១៩៩៩ មានកម្ពស់ ១,៨៣ ម៉ែត្រ បានចូលខ្លួនហ្វឹកហាត់បាល់ទះឆ្នាំ២០១៦ ជាមួយវិសាខា និងបានជាប់ជម្រើសជាតិឆ្នាំ២០១៩ ចេញទៅលេងនៅហ្វីលីពីន៕