លោក ប្រាក់ សុវណ្ណារ៉ា៖ ប្រសាសន៍លោក Leonardo ទៅលើជម្រើសជាតិវាជារបៀបបញ្ចើចបញ្ចើបន្តិចដែរហ្នឹង!

2022-02-25 07:49:12
បាល់ទាត់

2022-02-25 07:49:12
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះលោក Leonardo Vitorino អតីតគ្រូបង្វឹកជម្រើសជាតិកម្ពុជាបានបង្ហោះលើ Facebook របស់ខ្លួនមានខ្លឹមសារថា «ជាពូលដែលល្អសម្រាប់កម្ពុជា និងងាយក្នុងការឡើងទៅកាន់វគ្គបន្ទាប់ ឈ្នះ២ស្មើ១ នឹងបានឡើង»។ ក្រោយពេលលោកដឹងលទ្ធផលនៃការចាប់ពូលនៃព្រឹត្តិការណ៍ AFC Asain Cup 2023 នៅប្រទេសចិន។

បើតាមទស្សនៈរបស់លោកប្រាក់ សុវណ្ណារ៉ា អតីតគ្រូជម្រើសជាតិកម្ពុជាយល់ថា ប្រសាសន៍នេះជាការលើកទឹកចិត្តមួយ ប៉ុន្តែក៏ហាក់ក្នុងន័យបញ្ចើចបញ្ចើបន្តិចដែរ។ អតីតគ្រូបឹងកេតពន្យល់បែបនេះថា «យើងត្រូវទទួលស្គាល់ការពិតមួយ ទាក់ទងទី១គឺ Ranking ទី២យើងក៏ត្រូវមើលទៅលើប្រវត្តិប៉ះគ្នារវាងកម្ពុជា និងក្រុមទាំង៣ផ្សេងទៀត។ បន្ទាប់មកទើបយើងពិចារណាទៅលើស្ថានភាពបច្ចុប្បន្ននេះ ពីការដំណើរការលីគ កម្រិតនៃការលេងលើឆាកអន្តរជាតិថ្មីៗហ្នឹងរបស់ក្រុមទាំងអស់។ ដូច្នេះបើតាមខ្ញុំជាអ្នកបច្ចេកទេសខ្ញុំគិតថា វាតានតឹង មិនមែនជាការងាយស្រួលទេ។ ប៉ុន្តែក្នុងនោះក៏យើងត្រូវមើលទៅលើស្ថានភាពប្រទេសមួយៗដែរ បើសិនកូវីដ-១៩ វាថមថយដូចការគ្រោងទុករបស់ WHO នោះប្រទេសទាំងអស់នឹងត្រឡប់មកខ្លាំងវិញតែទាំងអស់គ្នាហ្នឹង»។

រំលឹកថា ក្រោយការចាប់ពូលកម្ពុជាស្ថិតនៅពូល D ជាមួយ ហុងកុង អាហ្វហ្គានីស្ថាន និង ឥណ្ឌា ។ ព្រឹត្តិការណ៍នឹងដំណើរការចន្លោះពីថ្ងៃទី១៦ ខែមិថុនា ដល់ទី១៦ ខែកក្កដា ឆ្នាំ២០២៣ ៕