/PPC-FC(2)/62183f0f45ef8_1645756140_medium.jpg)
- 2022-02-25 02:37:17
- បាល់ទាត់
លឹម ពិសុទ្ធ វះកាត់របួសបែកទ្រនាប់ជង្គង់បានជោគជ័យ ១០០% ហើយ
- 2022-02-25 02:37:17
- ចំនួនមតិ 0 | ចំនួនចែករំលែក 0
លឹម ពិសុទ្ធ វះកាត់របួសបែកទ្រនាប់ជង្គង់បានជោគជ័យ ១០០% ហើយ
ចន្លោះមិនឃើញ
ខ្សែប្រយុទ្ធវ័យក្មេងក្រុមជម្រើសជាតិកម្ពុជា និងក្លឹបបាល់ទាត់ភ្នំពេញក្រោន លឹម ពិសុទ្ធ ទទួលបានការវះកាត់របួសបែកទ្រនាប់ជង្គង់បានជោគជ័យ១០០%ហើយ ក្រោយរូបគេរងរបួសអំឡុងពេលហ្វឹកហាត់ ត្រៀមប្រកួតព្រឹត្តិការណ៍ពានរង្វាន់ AFF U23 Championship 2022។
បើយោងតាមប្រភពព័ត៌មានក្នុងស្រុក ក្រោយវះកាត់ទទួលបានជោគជ័យនៅមន្ទីរពេទ្យមួយនៅក្រុងភ្នំពេញ ខ្សែប្រយុទ្ធស្លាបដ៏មុតស្រួចរូបនេះ អាចនឹងត្រូវចំណាយពេលវេលាសម្រាកព្យាបាលយ៉ាងហោចណាស់៦សប្ដាហ៍ ទើបអាចចូលហាត់វិញបាន។
លឹម ពិសុទ្ធ បានថ្លែងអំណរគុណដល់ថ្នាក់ដឹកនាំក្លឹប និងសហព័ន្ធបាល់ទាត់កម្ពុជា ដែលបានយកចិត្តទុកដាក់ក្នុងការព្យាបាល។
សមាជិកក្រុមសិង្ហក្រហម បានឱ្យដឹងលើផេកផ្លូវការរបស់ខ្លួនកាលពីម្សិលមិញថា ៖«ការវះកាត់របស់ខ្ញុំទទួលបានជោគជ័យ 100% ហើយក៏សូមអរគុណចំពោះការយកចិត្តទុកដាក់ពីថ្នាក់ដឹកនាំក្លឹបភ្នំពេញក្រោន ក៏ដូចជាសហព័ន្ធកីឡាបាល់ទាត់កម្ពុជា ដែលបានសហការក្នុងករណីព្យាបាលរបួសរបស់រូបខ្ញុំបាទ»៕
