រំលឹកស្នាដៃលោក សាន សុក្រិត្យ ធ្លាប់ឈ្នះពានអ្វីខ្លះជាមួយ វិសាខា មុនពេលចែកផ្លូវគ្នា?

2022-02-24 02:29:20
បាល់ទះ

2022-02-24 02:29:20
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សាន សុក្រិត្យ ទើបតែបានប្រកាសពីពេលថ្មីៗនេះស្ដីពីការចូលកាន់តំណែងនៅក្លឹបអគ្គស្នងការរាជធានីភ្នំពេញ ក្នុងនាមគ្រូជំនួយដូចទៅនឹងលោកគ្រូ សោម ចំណាប់ដែរ។ គ្រប់គ្នាបានដឹងហើយថា លោកជាអតីតគ្រូជម្រើសជាតិបាល់ទះលើក្ដារ និងជាអតីតគ្រូបង្វឹកដ៏ជោគជ័យម្នាក់នៅវិសាខា។ ចុះតើគ្រូបង្វឹករូបនេះធ្លាប់ជួយក្លឹបឲ្យឈ្នះពានអ្វីខ្លះក្នុងអំឡុងនៅដឹកនាំវិសាខា?

លោក សាន សុក្រិត្យ បច្ចុប្បន្នមានវ័យ៤៣ឆ្នាំហើយ ដោយលោកបានចូលរួមជាមួយវិសាខាកាលឆ្នាំ២០១៦ ហើយធ្លាប់មានស្នាដៃជាច្រើនក្នុងការជួយវិសាខាឲ្យឈ្នះពានដូចជាឆ្នាំ២០១៦ ឈ្នះពានកីឡាជាតិលើកទី១ មកដល់ឆ្នាំ២០១៧ ឈ្នះពាន Leo Cup ដល់ឆ្នាំ២០១៨ ឈ្នះពាន Cambodia League ឆ្នាំ២០១៨ដដែលឈ្នះពានបាល់ទះអាជីពកម្រិត« ខ» នៅប្រទេសថៃ និងឆ្នាំ២០១៨ នោះទៀតក៏បានឈ្នះពានកីឡាជាតិលើកទី២។ ក្រៅពីពីដឹកនាំវិសាខាលោកក៏ធ្លាប់ដឹកនាំជម្រើសជាតិបាល់ទះកម្ពុជាទៅលេងស៊ីហ្គេមនៅម៉ាឡេស៊ី នៅឆ្នាំ២០១៧ និង២០១៩ ទៅលេងស៊ីហ្គេមនៅ ឥណ្ឌូណេស៊ី ផងដែរ។ សម្រាប់ការចែកផ្លូវគ្នាជមួយវិសាខាគឺដោយសារតែលោក សាន សុក្រិត្យ មានបញ្ហាសុខភាព ហើយបច្ចុប្បន្នក្នុងការចូលមកកាន់ស្នងការរាជធានីភ្នំពេញនេះគឺដោយសារការជួយមួយរយៈពេលក្រោមការស្នើរសុំរបស់ឯកឧត្ដមប្រធានក្លឹប៕