កីឡាករល្អៗកម្ពុជា៤រូបនេះ ត្រូវហ្វេនឱ្យរហស្សនាមថា Messi, CR7, Neymar និង Ramos

2022-02-21 03:32:08
បាល់ទះ

2022-02-21 03:32:08
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករបាល់ទាត់កម្ពុជា៤រូប ក្រោយពីបង្ហាញគុណផលល្អ និងមានស្ទីលលេងគួរឱ្យចាប់អារម្មណ៍ជាដើមនោះ ពួកគេត្រូវបានអ្នកគាំទ្រឱ្យរហស្សនាមថា Ronaldo, Messi, Neymar និង Ramos កម្ពុជា។ កីឡាករទាំងនោះមាន ម៉ាត់ នូរុណ, សារ ទី, ម៉ៅ ពិសិដ្ឋ និង ទេស សម្បត្តិ។

សារ ទី

១- សារ ទី៖ ខ្សែប្រយុទ្ធមកពីក្លឹបបាល់ទាត់វិសាខាបានចាត់ទុក Cristiano Ronaldo ជា Idol។ មានរឿងមួយចំនួនដែលកីឡាកររូបនេះ ដើរតាមគន្លងរបស់កីឡាករសញ្ជាតិព័រទុយហ្គាល់ដូចជា មិនចាក់សាក់ មិនផឹកស្រា មិនជក់បារី និងមិនយកមិត្តស្រីឡើយអំឡុងពេលនេះ ព្រោះគេចង់ផ្ដោត់សំខាន់លើអាជីពបាល់ទាត់សិន។ ដូច្នេះអតីតកីឡាករឆ្នើមអគ្គិសនី ត្រូវបានគេឱ្យរហស្សនាមថា Ronaldo កម្ពុជា។

ម៉ាត់ នូរុណ

២- ម៉ាត់ នូរុណ៖ នូរុណជាខ្សែប្រយុទ្ធមកពីក្លឹបបាល់ទាត់បឹងកេត។ កីឡាកររូបនេះពាក់អាវលេង១០ ដូច Lionel Messi លេងល្អ មានល្បឿនលឿន និងចេះជើងប្រើជើងឆ្វេងបានយ៉ាងស្ទាត់ជំនាញ។ គេត្រូវបានគេឱ្យរហស្សនាមថា Messi កម្ពុជា។

ម៉ៅ ពិសិដ្ឋ

៣- ម៉ៅ ពិសិដ្ឋ៖ ពិសិដ្ឋជាខ្សែប្រយុទ្ធវ័យក្មេងដែលត្រូវបានក្លឹបភ្នំពេញក្រោនឱ្យក្លឹបអង្គរថាយហ្គឺរខ្ចីជើងក្នុងរដូវកាលឆ្នាំ២០២២នេះ។ គេជាហ្វេនរបស់ Neymar Jr. មានស្ទីលលេងស្រដៀង Neymar ពាក់អាវលេខ១១ដូច Neymar (កាលនៅ Barca) ដូច្នេះហើយគេត្រូវបានអ្នកគាំទ្រឱ្យរហស្សនាមថា Neymar កម្ពុជា។

ទេស សម្បត្តិ

៤- ទេស សម្បត្តិ៖ គេសង្កេតឃើញថា ទេស សម្បត្តិ តុបតែងខ្លួនស្រដៀងទៅនឹង Sergio Ramos ទាំងការទុកសក់ ទុកពុកមាត់ ទុកពុកចង្ការស្រដៀង Ramos ការពាររឹងមាំស្រដៀង Ramos ពាក់អាវលេខ៤ដូច Ramos និងមួយរយៈចុងក្រោយនេះ គេហាក់លេងកាចដូច Ramos ដូច្នេះដែរ។ អ៊ីចឹងហើយអ្នកគាំទ្រនៅកម្ពុជាបានឱ្យរហស្សនាមគេថា Ramos កម្ពុជា។

ចុះប្រិយមិត្តយល់យ៉ាងណាដែរ? តើកីឡាករទាំងបួនរូបខាងលើមានលក្ខណៈស្រដៀងនិងដូច Messi, Ronaldo, Neymar Jr. និង Ramos ដែរឬទេ? លោកអ្នកអាច Comment នៅក្នុងប្រអប់សារបាន៕

អត្ថបទ៖ អ៊ុំ សុភក្តិ