/Bodyguard-V/620dca3d96017_1645070880_medium.jpg)
- 2022-02-17 04:13:57
- បាល់ទះ
ផ្លូវការហើយ! ស្មាត់ប៉ាចូលក្រុមបាល់ទះកងអន្តរាគមន៍ចល័ត ៩៩៩
- 2022-02-17 04:13:57
- ចំនួនមតិ 0 | ចំនួនចែករំលែក 0
ផ្លូវការហើយ! ស្មាត់ប៉ាចូលក្រុមបាល់ទះកងអន្តរាគមន៍ចល័ត ៩៩៩
ចន្លោះមិនឃើញ
កន្លងមកមានពាក្យចចាមអារាមថា ស្មាត់ប៉ាដែលកំពុងក្រសោបបានប្រជាប្រិយភាពខ្លាំងក្នុងពិភពបាល់ទះ បានចូលហ្វឹកហាត់នៅក្លឹបបញ្ជាការដ្ឋានអង្គរក្ស ខណៈស្មាត់ប៉ាធ្លាប់បានបញ្ជាក់រួចមកហើយដែរថា គេមិនទាន់ចូលក្លឹបណាមួយឡើយដែលជាហេតុធ្វើឱ្យអ្នកស្នេហាវិស័យកីឡាបាល់ទះទទូចចង់ដឹង។
យ៉ាងណាព័ត៌មាននេះត្រូវបានទម្លាយឱ្យដឹងដោយផេកផ្លូវការក្លឹបបញ្ជាការដ្ឋានអង្គរក្សកាលពីថ្ងៃ១៦ កុម្ភៈ ម្សិលមិញ។ បើតាមសេចក្ដីប្រកាសរបស់ក្លឹបបានឱ្យដឹងថា ក្រុមបាល់ទះកងអន្តរាគមន៍ចល័ត ៩៩៩ បាននាំចូលស្មាត់ស្ដាំមួយរូប ដើម្បីពង្រឹងក្រុមសម្រាប់ការប្រកួតដណ្ដើមពានរង្វាន់ក្នុងពេលឆាប់ៗខាងមុខ។
ជាមួយគ្នានោះផេកផ្លូវការរបស់ក្លឹប ក៏បានភ្ជាប់រូបថតស្រមោលមួយសន្លឹក ដែលរូបនេះត្រូវបានគេស្គាល់ជាស្មាត់ប៉ាមានដើមកំណើតមកពីខេត្តពោធិ៍សាត់ ១០០% តែម្ដង។
គួរបញ្ជាក់ថា បាល់ទះកងអន្តរាគមន៍ចល័ត ៩៩៩ ជាក្រុមមួយស្ថិតនៅក្នុងក្លឹបបាល់ទះបញ្ជាការដ្ឋានអង្គរក្ស៕
