/6205109133695_1644499080_medium.jpg)
- 2022-02-10 13:20:32
- បាល់ទាត់
Rooney ធ្លាប់ជាមនុស្សញៀនស្រា និងមានជំងឺផ្លូវចិត្ត
- 2022-02-10 13:20:32
- ចំនួនមតិ 0 | ចំនួនចែករំលែក 0
Rooney ធ្លាប់ជាមនុស្សញៀនស្រា និងមានជំងឺផ្លូវចិត្ត
ចន្លោះមិនឃើញ
Wayne Rooney អតីតកំពូលខ្សែប្រយុទ្ធមួយរូបប្រចាំក្លឹប Manchester United និងបច្ចុប្បន្នបានក្លាយជាគ្រូក្លឹប Derby County បាននិយាយនៅក្នុងកិច្ចសម្ភាសន៍ជាមួយនឹងសារព័ត៌មាន BBC ម្សិលមិញថា គេធ្លាប់ជាមនុស្សញៀនស្រា និងមានជំងឺផ្លូវចិត្ត។
បញ្ហាទាំងនេះធ្វើឲ្យគេធ្លាប់បង្កកំហុសជាច្រើនដូចជា មានស្រីច្រើន បើកបរនៅពេលស្រវឹង ដែលអាចនឹងឆក់យកជីវិតអ្នកដទៃ ក៏ដូចជាខ្លួនគេផ្ទាល់។
អតីតកំពូលកីឡាកររូបនេះក៏បានរៀបរាប់ទៅសារព័ត៌មានខាងលើផងដែរថា រឿងរ៉ាវទាំងនេះធ្វើឲ្យគេខ្លាចស្លាប់មែនទែន។ គេដឹងថាគេត្រូវការជំនួយដើម្បីជួយខ្លួនគេ ក៏ដូចជាក្រុមគ្រួសារគេចេញពីបញ្ហា ប៉ុន្តែកាលពី ១០-១៥ឆ្នាំមុន គេមិនហ៊ានទម្លាយទៅកាន់ខាងក្រៅទេ ព្រោះគេជាកីឡាករត្រូវតែទុករឿងនេះជារឿងសម្ងាត់។
នៅក្នុងការសម្ភាសន៍នេះ Rooney ក៏ទទួលស្គាល់ផងដែរថា កាលពីនៅពេលក្មេងជំទង់ គេមិនមែនជាក្មេងល្អទេ ដោយចូលចិត្តបង្កបញ្ហាច្រើនដូចជា ចូលចិត្តវៃគ្នាជាដើម។
គួរបញ្ជាក់ផងដែរថា កិច្ចសម្ភាសន៍ខាងលើការបង្ហើបសាច់រឿងមួយចំនួនក្នុងភាពយន្តពីជីវប្រវត្តិរបស់ Rooney ផ្ទាល់ៗ និងពិតៗ ចាប់តាំងពីគេនៅក្មេង រហូតមកធ្វើជាអ្នកដឹកនាំរបស់ Derby ដែលនឹងចាក់បញ្ចាំងនៅថ្ងៃស្អែកនេះ៕
