លោក ភា សុភ័ក្រ្តា ពន្យល់ពីភាពលេចធ្លោរបស់ ស៊ីដាន ដែលគ្រប់គ្នាអាចគិតមិនដល់

2022-02-08 02:59:04
បាល់ទាត់

2022-02-08 02:59:04
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ភា សុភ័ក្រ្តា គ្រូជំនួយរបស់ក្រុមជម្រើសជាតិកម្ពុជានិយាយពីភាពលេចធ្លោរបស់កីឡាករជម្រើសជាតិកម្ពុជាវ័យក្មេង ញាណ សុស៊ីដាន ដែលគ្រប់គ្នាអាចគិតមិនដល់។

អតីតគ្រូជំនួយរបស់ ទ័ព រូបនេះបាននិយាយថា «តាមការមើលឃើញរបស់ខ្ញុំក៏ដូចជាមហាជនដែលចូលចិត្តបាល់ទាត់ Sidan ជាកីឡាករវ័យក្មេងមួយរូបដែលកំពុងលេចធ្លោ។ តើចំណុចណាដែលគិតបែបនេះ? តាមរយះការបង្ហាញខ្លួនលើទីលានជាប្រចាំក្នុងសមាសភាព ១១ នាក់ នៃតួនាទីខ្សែបម្រើ ហើយថ្មីៗនេះ គេក៏ត្រូវបានគ្រូបង្គោលរបស់ខ្លួនឆ្នៃឲ្យលេងខ្សែបម្រើស្លាបស្ដាំផងដែរ»។

លោកបន្ថែមថា « តួនាទីនេះក៏គេលេងនៅក្នុងក្រុមជម្រើសជាតិដូចគ្នាពេលខ្លះ ចំនុចនេះទៀតខ្ញុំក៏យល់ឃើញដូចគ្នា ថាហេតុអ្វីបានឆ្នៃគាត់ពីបម្រើប្រយុទ្ធកណ្តាល ទៅលេងខ្សែបម្រើស្តាំ? » ។

លោកពន្យល់បែបនេះទៀតថា គុណភាពនៃការលេងរបស់គាត់មានដូចជា៖

ការបញ្ជូនបាល់ងាយៗច្បាស់ បូករួមជាមួយការបញ្ជូនបាល់ដើម្បីបង្កើតឱកាសប្រយុទ្ធប្រកបដោយប្រសិទ្ធភាព (បញ្ជូនដោយភាពចំណេញ)
សុទ្ធពីចម្ងាយ ទាំងបាល់លើ ហើយល្បឿនបាល់លឿន និងខ្លាំង ទោះមិនចូលក៏សម្រេចបាល់ក្រឡកមកវិញផងដែរ
ទាំងបាល់ហ្វ្រីឃីក នៅចំហៀងខាងស្តាំដោយជើងឆ្វេង
ចំណុចពិសេសរបស់គេមួយទៀតនេះគឺការទទួលខុសត្រូវខ្ពស់ក្រោយពេលបាត់បាល់ គឺដេញតាមប្រជែងយកបាល់មកវិញភ្លាមៗ។

គ្រូជំនួយដដែលបញ្ជាក់ទៀតថា «តែយ៉ាងណាខ្ញុំគិតថាបច្ចុប្បន្នគេនៅមិនទាន់ដល់កំរិតកំពូលនៃការលេងនោះទេ គេត្រូវការការលេងឲ្យបានច្រើនជាងនេះ ពិសេសគឺយល់អោយច្បាស់ពីភាពបទបែននៃកលល្បិចលេងរបស់ក្រុម»។

រំលឹកថា ស៊ីដាន ជាកីឡាករមួយរូបដែលមានវ័យ២០ ឆ្នាំប៉ុន្តែបានជាប់ជម្រើសជាតិ U23 ទៅលេងនៅ បារ៉ែន និងលេងជម្រើសជាតិពាន Suzuki Cup កាលពីពេលថ្មីៗនេះផងដែរ៕