- 2022-02-07 08:49:10
- បាល់ទាត់
ក្រុមបាល់ទាត់ Tiffy Army សុំពរជ័យ និងអប់រំចិត្តតាមបែបពុទ្ធសាសនាត្រៀមបើកលីគ
- 2022-02-07 08:49:10
- ចំនួនមតិ 0 | ចំនួនចែករំលែក 0
ក្រុមបាល់ទាត់ Tiffy Army សុំពរជ័យ និងអប់រំចិត្តតាមបែបពុទ្ធសាសនាត្រៀមបើកលីគ
ចន្លោះមិនឃើញ
ប្រធានសមាគមបាល់ទាត់កងយោធពលខេមរភូមិន្ទ (Tiffy Army FC) និងក្រុមការងារទាំងអស់ព្រឹកមិញនេះបានទៅសុំពរជ័យ សូត្រមន្ត និងសមាធិនៅវត្តមុន្នីប្រសិទ្ធីវង្ស ក្នុងសង្កាត់ព្រែកព្នៅ រាជធានីភ្នំពេញ។
លោក ខូវ ឆាយ អគ្គលេខាធិការសមាគមបាល់ទាត់ Tiffy Army បានឲ្យដឹងថា ព្រឹកមិញនេះប្រធានសមាគមបាននាំកីឡាករ និងក្រុមការងារទាំងអស់ទៅវត្តមុន្នីរប្រសិទ្ធីវង្ស ដើម្បីសុំពរជ័យក៏ដូចជាទទួលពុទ្ធឱវាទពីសម្ដេចសង្ឃ ម៉ូងរ៉ា ជាការត្រៀមបើកលីគកំពូលរដូវកាលថ្មីនេះ។
អគ្គលេខាធិការរូបនេះបន្ថែមទៀតថា ក្នុងវិធីព្រឹកមិញនេះគឺមានទាំងសមាធិ និងការអប់រំចិត្តឲ្យស្ងប់ ចេះគ្រប់គ្រងអារម្មណ៍ឲ្យបានល្អជាពិសេសនៅពេលប្រកួតត្រូវលេងដោយស្មារតី Fair Play មិនមានជាការហិង្សាជាដើម។ ក្រោមការដឹកនាំពីប្រធានសមាគម លោក សុផាឆៃ វិរៈភុជុង គឺតែងតែនាំក្រុមកីឡាករអប់រំចិត្តជារឿយតាមបែបព្រះពុទ្ធសាសនាដែលផ្ដោតលើការលេងឲ្យគោរពគ្នា លេងដោយការយោគយល់ លេងដោយមេត្តាធម៌ និងការអត់ធ្មត់ខ្ពស់។
បញ្ជាក់ដែរថា ព្រឹកមិញនេះក្រុមការងារ និងកីឡាករនៃសមាគមបាល់ទាត់កងយោធពលខេមរភូមិន្ទ (Tiffy Army FC) បានទៅសុំពរជ័យពីសម្ដេចសង្ឃ ម៉ូងរ៉ា នៅវត្តមុន្នីប្រសិទ្ធីវង្ស ក្នុងសង្កាត់ព្រែកព្នៅ រាជធានីភ្នំពេញ។ Tiffy Army FC នឹងត្រូវចូលរួមប្រកួតប្រជែងពានរង្វាន់លីគកំពូលកម្ពុជា ២០២២ នៅពេលឆាប់ៗខាងមុខនេះជាមួយក្រុមខ្លាំងទាំង៧ផ្សេងទៀត៕
