ប្រធានក្រុមជម្រើសជាតិកាមេរ៉ូនថា កម្រិតសមត្ថភាព Salah មិនដល់ Mbappe នោះទេ

2022-02-03 14:07:23
បាល់ទាត់

2022-02-03 14:07:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ និងជាប្រធានក្រុមជម្រើសជាតិកាមេរ៉ូន Vincent Aboubakar បាននិយាយទៅកាន់ RFI នៅក្នុងថ្ងៃនេះថា កម្រិតសមត្ថភាពរបស់ ខ្សែប្រយុទ្ធ Mohamed Salah មិនដល់ ខ្សែប្រយុទ្ធ Kylian Mbappe នោះទេ។

Aboubakar បាននិយាយថា៖" ខ្ញុំនៅតែឃើញ Salah ដូចគេពីមុនដដែល។ គេកំពុងមានរដូវកាលដ៏ល្អបំផុតនៅ Premier League នៅក្នុងរដូវកាលនេះ គេក៏បានជួយក្រុមជម្រើសជាតិគេឲ្យទៅមុខនៅប្រកួត AFACON។ ខ្ញុំមានតែជូនពរគេឲ្យសំណាងល្អឲ្យកាន់តែច្រើន ឈ្នះគ្រប់កន្លែង "។

កីឡាករនេះបន្តថា៖" យ៉ាងណាសមត្ថភាពរបស់គេគឺមិនទាន់ធ្វើឲ្យខ្ញុំចាប់អារម្មណ៍នៅឡើយទេ។ ខ្ញុំនិយាយត្រង់ៗអញ្ចឹង ព្រោះខ្ញុំជាមនុស្សស្មោះត្រង់ ហើយខ្ញុំមានរបៀបរបស់ខ្ញុំដើម្បីមើលអញ្ចឹងៗ។ បើសមត្ថភាពរបស់គេអាចធ្វើឲ្យខ្ញុំចាប់អារម្មណ៍កោតសរសើរមែន ខ្ញុំនឹងនិយាយអញ្ចឹងភ្លាម។ តែនេះអត់ទាន់ប៉ុន្មានទេ។ គេជាកីឡាករល្អ គេស៊ុតចូលច្រើន ក៏ប៉ុន្តែគេមិនបានបង្កើតអីច្រើនក្នុងប្រកួតនោះទេ។ ច្បាស់ណាស់ គេធ្វើបានល្អខ្លាំងនៅ PL ព្រោះគេនៅក្រុមហ្នឹងយូរ។ និយាយទៅគេជាកីឡាករល្អ ប៉ុន្តែមិនដល់កម្រិតអ្នកមួយចំនួនដូចជា Mbappe នោះទេ "។

ក្រុមជម្រើសជាតិអេហ្ស៊ីប ដែលនឹងមាន Salah ចូលរួមដែរផងនោះ នឹងប៉ះជាមួយ ក្រុមជម្រើសជាតិកាមេរ៉ូនដែលមាន Aboubakar នេះទៅលេងផងដែរ ក្នុងប្រកួត AFACON វគ្គពាក់កណ្ដាលផ្ដាច់ព្រ័ត្រយប់អធ្រាត្រនេះ (ម៉ោងកម្ពុជា)៕

ប្រភព៖ Goal អត្ថបទ៖ សេរី មង្គល