ទីបំផុត! អាជ្ញាកណ្ដាល ដែលផ្លំកញ្ចែបញ្ចប់ប្រកួតមុនម៉ោងកំណត់ នៅ AFACON បកស្រាយមូលហេតុហើយ

2022-02-02 12:18:25
បាល់ទាត់

2022-02-02 12:18:25
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកអាជ្ញាកណ្ដាល Janny Sikazwe ដែលបានផ្លំកញ្ចែបញ្ចប់ការប្រកួតមុនម៉ោងកំណត់ ក្នុងការប្រកួតរវាងក្រុមម៉ាលី និងទុយណេហ្ស៊ី ក្នុងពានរង្វាន់ Africa Cup of Nation បានបកស្រាយពីមូលហេតុ ដែលលោកបានធ្វើបែបនេះហើយ បន្ទាប់ពីលោកបានមកដល់ហ្ស៊ីមបាវ៉េប្រទេសកំណើតលោកវិញ។ បើយោងតាមការចុះផ្សាយរបស់ Daily Mail ក្នុងថ្ងៃនេះ។

លោក Sikawe បាននិយាយថា៖" ខ្ញុំធ្លាប់ឃើញច្រើនអ្នកដែលមានកាតព្វកិច្ចទៅក្រៅប្រទេសអញ្ចឹង ហើយមកវិញចូលផ្នូរ។ ខ្ញុំក៏ប៊ិះនឹងមកវិញអញ្ចឹងដែរ។ ខ្ញុំសំណាងណាស់ ដែលខ្ញុំមិនក្លាយទៅជាអ្នកពិការលែងដឹងអី។ និយាយទៅរឿងហ្នឹងវាខុសៗគ្នា។ គ្រូពេទ្យជាច្រើនបានប្រាប់ខ្ញុំថាខ្លួនខ្ញុំអត់មានចុះត្រជាក់អីសោះ។ និយាយទៅកាលហ្នឹងបើនៅតែបន្តិចទៀត ខ្ញុំនឹងក្លាយជាមនុស្សពិការលែងដឹងអីហើយ បើអញ្ចឹងមែនគឺចប់ហើយខ្ញុំ "។

លោកបានបន្តថា៖" និយាយទៅរឿងបញ្ចប់ការប្រកួតមុនម៉ោងហ្នឹង គឺព្រះអ្នកប្រាប់ខ្ញុំ។ លោកជាអ្នកជួយជីវិតខ្ញុំ "។

លោកអាជ្ញាកណ្ដាល Janny Sikazwe ក៏បានបញ្ជាក់ថែមទៀតផងដែរថា កាលថ្ងៃប្រកួតហ្នឹងគឺអាកាសធាតុក្ដៅខ្លាំងមែនទែន ដល់ថ្នាក់ផឹកទឹកហើយហ្នឹង តែនៅតែដូចអត់បានផឹកទឹកអញ្ចឹង។

គួរបញ្ជាក់ផងដែរថា លោកអាជ្ញាកណ្ដាលរូបនេះ បានផ្លំកញ្ចែបញ្ចប់ការប្រកួតនៅត្រឹមនាទី៨៥ប៉ុណ្ណោះ ហើយបន្ទាប់មកក៏ឱ្យការប្រកួតចាប់ផ្ដើមលេងបន្ដទៀត ក្រោយមានការតវ៉ាច្រើន រួចក៏បានបង្កើតកំហុសទៀត ដោយផ្លំបញ្ចប់ការប្រកួតនៅនាទី៨៩ និង៤៣វិនាទី មិនទុកដល់៩០នាទីឡើយ ហើយក៏មិនមានម៉ោងថែមអ្វីដែរ។

កំហុសរបស់អាជ្ញាកណ្ដាលនេះ បានធ្វើឱ្យខាងទុយណេហ្ស៊ីដែលចាញ់ម៉ាលី ១-០ ក្នុងការប្រកួតខាងលើខឹងជាខ្លាំងតែចុងបញ្ចប់ក៏មិនមានអ្វីប្រែប្រួលឡើយ៕

ប្រភព៖ Dailymail ប្រែសម្រួល៖ ហ៊ីម រស្មី