/61ea9f950cd6a_1642766220_medium.jpg)
- 2022-01-21 12:00:37
- បាល់ទាត់
Xaviថា Dembele សំខាន់ចំពោះ Barca ប៉ុន្តែបើអត់មានគេ ក៏មិនបញ្ហា
- 2022-01-21 12:00:37
- ចំនួនមតិ 0 | ចំនួនចែករំលែក 0
Xaviថា Dembele សំខាន់ចំពោះ Barca ប៉ុន្តែបើអត់មានគេ ក៏មិនបញ្ហា
ចន្លោះមិនឃើញ
លោក Xavi Hernandez គ្រូបង្គោលក្លឹប Barcelona បាននិយាយនៅក្នុងថ្ងៃនេះថា ខ្សែប្រយុទ្ធ Ousmane Dembélé សំខាន់ចំពោះក្រុមរបស់លោក ប៉ុន្តែបើអត់មានគេ ក៏មិនបញ្ហាដល់ក្រុមមួយនេះដែរ។
លោក Xavi បាននិយាយថា៖" Dembele ពិតជាសំខាន់ចំពោះយើង ក៏ប៉ុន្តែខាងក្លឹបសម្រេចចិត្តរួចរាល់ហើយ ហើយយើងទាំងអស់ក៏បានឯកភាពតាមហ្នឹងផងដែរ។ និយាយទៅខ្ញុំគិតថា ទោះគេអវត្តមានពីក្លឹបនេះ ក៏ក្រុមយើងគ្មានបញ្ហាអ្វីដែរ "។
កាលពីម្សិលមិញនេះ លោក Mateu Alemany នាយកប្រចាំការរបស់ក្លឹប Barcelona បានសម្រេចរួចរាល់ហើយថាឲ្យ Dembele ចាកចេញពីក្លឹបឥឡូវនេះព្រោះតែមិនព្រមបន្តកុងត្រាថ្មី ដោយសង្ឃឹមថាក្លឹបលោក អាចលក់គេចេញបានមុនដាច់ខែមករានេះ ខណៈគេនឹងអស់កុងត្រានៅចុងរដូវកាលនេះ។
ចំពោះលោក Xavi ក៏ធ្លាប់និយាយពាក់ព័ន្ធនឹងរឿងហ្នឹងកាលពីពេលថ្មីៗផងដែរ ដោយឲ្យជម្រើសកីឡាករខាងលើ ២ជម្រើស គឺ ទី១ ចាកចេញ ទី២ ត្រូវបន្តកុងត្រាថ្មី។
មកទល់នឹងពេលនេះ បើយោងតាម The Sun ក្លឹបដែលទំនងជាចង់បាន Dembele បន្តពី Barcelona គឺ Chelsea ៕
