- 2022-01-20 13:49:51
- បាល់ទាត់
Rangnick បាននិយាយលួងលោម Ronaldo ម៉េចខ្លះក្រោយប្ដូរចេញនៅនាទីទី៧០
- 2022-01-20 13:49:51
- ចំនួនមតិ 0 | ចំនួនចែករំលែក 0
Rangnick បាននិយាយលួងលោម Ronaldo ម៉េចខ្លះក្រោយប្ដូរចេញនៅនាទីទី៧០
ចន្លោះមិនឃើញ
ខ្សែប្រយុទ្ធ Cristiano Ronaldo បានធ្វើការសម្ដែងភាពមិនពេញចិត្តចំពោះចំណាត់ការលោក Ralf Rangnick អ្នកចាត់ការបណ្ដោះអាសន្នក្លឹប Manchester United ក្រោយប្ដូរគេចេញនៅនាទីទី៧០ តទល់នឹងក្លឹប Brentford នៅយប់មិញនេះ។
ទាក់ទិននឹងរឿងនេះ លោក Rangnick ក៏ប្រាប់ពីមូលហេតុដែលលោកសម្រេចចិត្តបែបនេះទៅកាន់ Ronaldo ដើម្បីពន្យល់ និងលួងលោមគេដើម្បីកុំខឹងនឹងបញ្ហានេះ។ អ្នកចាត់ការរូបនេះក៏បាននិយាយពាក្យទាំងនេះទៅកាន់សារព័ត៌មានផងដែរ។
លោកបាននិយាយថា៖" ខ្ញុំបានប្រាប់ Ronaldo ថាយើងឈ្នះលើសពី ២-០ ហើយ។ យើងគួរតែរៀនពីមេរៀនខុសឆ្គង ដែលយើងបានធ្វើការប្រកួតនៅទឹកដី Villa Park កន្លងទៅនេះ។ បន្ទាប់ពីការប្រកួតលើកនោះ ខ្ញុំខឹងនឹងខ្លួនឯងណាស់ ដែលអត់បានដូរកីឡាករ ដើម្បីលេងទម្រង់ការពារវិញ "។
Rangnick បានបន្តថា៖" ហើយស្ថានភាពគឺដូចនឹងលើកមុនដែរ ខ្ញុំអត់ចង់បង្កកំហុសដដែលអញ្ចឹងទេ។ ខ្ញុំបាននិយាយទៅគេទៀតថា Ronaldo ឯងអាយុ ៣៦ឆ្នាំហើយ និងមានកាយសម្បទាមាំមួន ក៏ប៉ុន្តែបើឯងធ្វើជាគ្រូដឹកនាំ ឯងនឹងយល់ច្បាស់ណាស់។ ការងារខ្ញុំគឺធ្វើយ៉ាងគិតផលប្រយោជន៍ក្រុម និងក្លឹបនេះជាធំ។ ខ្ញុំសង្ឃឹមថា គេនឹងដូចខ្ញុំយល់ដែរចុះ "។
Ronaldo ទើបត្រលប់មកប្រកួតវិញ ក្រោយជារបួស ដោយលោក Rangnick ហាក់ដូចជាមិនប្រថុយឲ្យគេលេងពេញ ព្រោះខ្លាចគេមានរបួស ជាពិសេសនោះគឺលោកយល់ក្រុមលោកយកឈ្នះដាច់ទៅហើយ។
ទាក់ទងនឹងការប្រកួតនៅ Villa Park ក្រុម Man Utd បានយកឈ្នះ ២គ្រាប់មុនទៅហើយ ប៉ុន្តែបែរជាភ្លាត់ស្នៀតនៅចុងម៉ោង បណ្ដាលឲ្យ Aston Villa តាមទាន់ ២-២ វិញ ដែលធ្វើលោក Rangnick ខកចិត្តនឹងលទ្ធផលនេះមែនទែន កាលថ្ងៃទី១៦ ខែមករា ឆ្នាំ២០២២ (ម៉ោងកម្ពុជា)។
ចំពោះការប្រកួតយប់មិញ Man Utd ក៏បាននាំមុខមុន ៣គ្រាប់ផងដែរ និងភ្លាត់តែ១គ្រាប់នៅចុងម៉ោងប៉ុណ្ណោះ៕