/Other(8)/Other(15)/61c94e077bc96_1640582640_medium.jpg)
- 2021-12-27 05:28:10
- បាល់ទះ
សហព័ន្ធកីឡាបាល់ទះ ប្រកាសជ្រើសរើសកីឡាករជម្រើសជាតិឆ្នេរខ្សាច់ប្រចាំឆ្នាំ២០២២
- 2021-12-27 05:28:10
- ចំនួនមតិ 0 | ចំនួនចែករំលែក 0
សហព័ន្ធកីឡាបាល់ទះ ប្រកាសជ្រើសរើសកីឡាករជម្រើសជាតិឆ្នេរខ្សាច់ប្រចាំឆ្នាំ២០២២
ចន្លោះមិនឃើញ
សហព័ន្ធកីឡាបាល់ទះថ្មីៗនេះ បានប្រកាសជ្រើសរើសកីឡាករជម្រើសជាតិឆ្នេរខ្សាច់ប្រចាំឆ្នាំ២០២២ចំនួន៤រូបបន្ថែមដែលមានអាយុ២៨ឆ្នាំចុះក្រោម និងកម្ពស់១,៨០ម៉ែត្រឡើង ដើម្បីត្រៀមការប្រកួតស៊ីហ្គេមឆ្នាំ២០២២នៅប្រទេសវៀតណាម។
បើយោងតាមសេចក្ដីប្រកាសរបស់សហព័ន្ធបាល់ទះកម្ពុជា កម្មវិធីជ្រើសរើសកីឡាករបាល់ទះឆ្នេរខ្សាច់នឹងធ្វើឡើងនៅថ្ងៃទី៣១ ខែធ្នូ ឆ្នាំ២០២១ខាងមុខ នៅទីលានបាល់ទះឆ្នេរខ្សាច់ក្នុងបរិវេណពហុកីឡដ្ឋានជាតិមរតកតេជោរាជធានីភ្នំពេញ។
ការដាក់ពាក្យចូលរួមជ្រើសរើសកីឡាករបាល់ទះឆ្នេរខ្សាច់ នឹងធ្វើឡើងចាប់ពីថ្ងៃផ្សាយដំណឹងនេះតទៅរហូតដល់ថ្ងៃទី៣០ ឆ្នាំ២០២១ នៅទីស្នាក់ការសហព័ន្ធបាល់ទះកម្ពុជានៅពហុកីឡដ្ឋានជាតិ។
កីឡាករដែលបានដាក់ពាក្យជ្រើសរើសទាំងអស់ ត្រូវបង្ហាញខ្លួននៅថ្ងៃទី៣១ ខែធ្នូ ឆ្នាំ២០២១ វេលាម៉ោង ៨ និង៣០នាទីព្រឹក នៅពហុកីឡដ្ឋានជាតិមរតកតេជា។
បើផ្អែកតាមប្រភពដ៏គួរឱ្យទុកចិត្តមួយបានទម្លាយថា មូលហេតុនៃការជ្រើសរើសកីឡាករជម្រើសជាតិចំនួន៤រូបនេះ ដោយសារកីឡាករមួយចំនួនបានលាឈប់ ហើយកីឡាករខ្លះទៀតមានបញ្ហាខាងវិន័យ។
គួរបញ្ជាក់ថាកីឡាករទាំង៦ប្រចាំឆ្នាំ២០២១មាន៖
១- ជុក សោភា៖ មកពីក្លឹបកងពលធំអន្តរាគមន៍លេខ៣
២- សំ សាមីត៖ មកពីក្លឹបកងពលធំអន្តរាគមន៍លេខ៣
៣- ថុន លាបហេង៖ មកពីក្លឹបកងពលធំអន្តរាគមន៍លេខ៣
៤- ធី ម៉េងហួង៖ មកពីក្លឹបក្រសួងមហាផ្ទៃ
៥- អ៊ឹម ណារិទ្ធ៖ មកពីក្លឹបអគ្គស្នងការដ្ឋាននគរបាលរាជធានីភ្នំពេញ
៦- ពេជ សុផុន៖ មកពីក្លឹបអគ្គស្នងការដ្ឋាននគរបាលរាជធានីភ្នំពេញ៕
