Conteថា Son មិនមែនជាកីឡាករល្អទេ តែជាលំដាប់កំពូលកីឡាករតែម្ដង

2021-12-22 11:41:17
បាល់ទាត់

2021-12-22 11:41:17
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Antonio Conte អ្នកចាត់ការក្លឹប Tottenham Hotspure បាននិយាយនៅក្នុងថ្ងៃនេះថា ខ្សែប្រយុទ្ធ Son Heung-min មិនមែនជាកីឡាករល្អមួយរូបនោះទេ តែគេក៏ជាលំដាប់កំពូលកីឡាករមួយរូបតែម្ដង។

លោក Conte បាននិយាយថា៖" Son ពិតជាអស្ចារ្យណាស់ គេមានគុណភាពមែនទែន គេធ្វើមានគុណភាព ទាំងរត់ ទាំងមានកម្លាំងខ្លាំង និងអត់ធន់ផងដែរ។ ខ្ញុំគិតថា Sonny ជាលំដាប់កំពូលកីឡាករមួយរូបនេះ។ គេមិនមែនជាកីឡាករល្អទេ តែជាលំដាប់កំពូលកីឡាករតែម្ដង។ ច្បាស់ណាស់ ខ្ញុំព្យាយាមធ្វើយ៉ាងម៉េចជួយគេ បង្ហាត់ឲ្យគេហ្នឹងកាន់តែប្រសើរ "។

លោកបានបន្តថា៖" គេឥឡូវនេះកំពុងតែដើររកផ្លូវហ្នឹងហើយ គេនៅចង់បន្តបន្ថែមទៀត មានគោលដៅធំ អញ្ចឹងយើងត្រូវការកីឡាករដូចជាគេនេះណាស់ ព្រោះកាលណាពេលកីឡាករណាចង់បានអញ្ចឹង គេមិនពេញចិត្តនឹងការលេងរបស់គេសព្វថ្ងៃឡើយ។ អញ្ចឹងហើយគេនឹងខំខ្លាំងបន្ថែមទៀត។ ដូច្នេះហើយ ពួកយើងត្រូវការកីឡាករអញ្ចឹង ដើម្បីជួយពង្រឹង Spurs របស់យើង។ ហើយ Son ជាកីឡាករមួយរូប ស្ថិតនៅក្នុងចំណោមពួកគេទាំងនោះ "។

គួរបញ្ជាក់ផងដែរថា លោក Conte បានលើកឡើងដូចខាងលើ ក្រោយខាងសារព័ត៌មាន 90min ចេញផ្សាយថា Son ជាកំពូលខ្សែប្រយុទ្ធ នៅឆ្វេងមួយរូបនៅក្នុងឆ្នាំ២០២១ នេះ។ លោកលើកឡើងដូចខាងលើនេះ ចង់បញ្ជាក់ថា គេជាកីឡាករមានសមត្ថភាពល្អខ្លាំងសម្រាប់ក្រុមលោក។

នៅក្នុងរដូវកាលនេះ Son លេងចូលបាន ២០ប្រកួតឲ្យ Spurs ហើយ ដោយរកបាន ៨គ្រាប់៕

ប្រភព៖ Fotmob

អត្ថបទ៖ សេរី មង្គល