/61c07499f3156_1640002680_medium.jpg)
- 2021-12-20 12:20:58
- បាល់ទាត់
Leonardoថា PSG មិនធ្លាប់គិតថា Ramos មិនអាចចូលរួមប្រកួតដល់ ៤ខែ ទៅ ៥ខែ អញ្ចឹងទេ
- 2021-12-20 12:20:58
- ចំនួនមតិ 0 | ចំនួនចែករំលែក 0
Leonardoថា PSG មិនធ្លាប់គិតថា Ramos មិនអាចចូលរួមប្រកួតដល់ ៤ខែ ទៅ ៥ខែ អញ្ចឹងទេ
ចន្លោះមិនឃើញ
លោក Leonardo នាយកកីឡាក្លឹប Paris Saint Germain បាននិយាយនៅក្នុងកិច្ចសម្ភាសន៍មួយជាមួយនឹង Europe 1 កាលពីពេលថ្មីៗនេះថា ក្លឹបរបស់លោកមិនដែលគិតថា ខ្សែការពារ Sergio Ramos មិនអាចចូលរួមប្រកួតដល់ថ្នាក់ ៤ខែ ទៅ៥ខែ អញ្ចឹងទេ។
លោក Leonardo បាននិយាយថា៖" យើងមិនដែលគិតថា Ramos មិនអាចចូលរួមប្រកួតដល់ថ្នាក់ ៤ខែ ទៅ៥ខែ អញ្ចឹងទេ។ យើងដឹងថា គេមានរបួសច្រើនតាំងពីរដូវកាលមុនមកម្ល៉េះ តែយើងយល់ថាអត់អី អាចមើលខុសត្រូវ។ ម៉េចក៏ដោយជាការពិត តាំងពីទិញយក រហូតមកដល់ពេលនេះ យើងមានការភ្ញាក់ផ្អើលនឹងរបួសគេមែនទែន "។
លោកបានបន្តថា៖" ដល់ថ្នាក់ធ្លាប់ទាស់ទែងគ្នា តែយើងធ្វើការសម្របសម្រួលល្អបំផុតតាមយើងអាចធ្វើបាន។ យ៉ាងណា ឥឡូវនេះ គេកំពុងតែល្អហើយ។ វាពិតជាសំខាន់មែនទែនសម្រាប់ក្លឹបយើង ដែលមានគេចូលរួមលេង សម្រាប់ពេលសេសសល់ប៉ុន្មានក្នុងរដូវកាលនេះ "។
ចាប់តាំងពីមកលេងឲ្យ PSG នៅក្នុងរដូវកាលនេះ Ramos ទើបតែចូលបានតែ២ប្រកួតប៉ុណ្ណោះ ដោយសារតែកីឡាករនេះមានរបួសច្រើនបន្តបន្ទាប់ តាំងពីរដូវកាលមុនមកម្ល៉េះ៕
