- 2021-12-07 02:59:06
- បាល់ទះ
ក្រោយឈ្នះស្មាត់រាជ ម៉ាប់ឆ្វេង ហើមក្រលៀនដើរលែងចង់រួចហើយ!
- 2021-12-07 02:59:06
- ចំនួនមតិ 0 | ចំនួនចែករំលែក 0
ក្រោយឈ្នះស្មាត់រាជ ម៉ាប់ឆ្វេង ហើមក្រលៀនដើរលែងចង់រួចហើយ!
ចន្លោះមិនឃើញ
គ្រឹល ម៉ាប់ ហៅម៉ាប់ឆ្វេង កើតមានអាការៈហើមក្រលៀនដើរលែងចង់រួច ក្រោយប្រកួតឈ្នះក្រុមអធិរាជប្រអប់នៅតារាងកូនភ្លោះក្រុងតាខ្មៅ កាលពីថ្ងៃអាទិត្យទី៥ ខែធ្នូ កន្លងទៅ។ នេះបើតាមការអោយដឹងពីលោក ម៉េងលី។
លោក ម៉េងលី កំពូលអ្នកឡាយដាច់បាយបានបញ្ជាក់ថា ៖«ម៉ាប់ឆ្វេងហើមក្រលៀន ហើមក្រលៀន ដើរដូចអ្នកកើតស្វាយអ៊ីចឹង។ ហើមក្រលៀនងៃលេងនៅតារាងកូនភ្លោះនុង ងៃណុងលេងហើយហើមក្រលៀនដើរលែងរួចប៉ាដោយ»។
លទ្ធផលឈ្នះក្រុម ទុយ រាជ ហៅស្មាត់រាជ, នួន វិចិត្រ និងលោកហុងប៉ះសេ ១៥-១២ កាលពីពេលថ្មីៗនេះ ក្រុមដាវញីឈ្មោលម៉ាប់ឆ្វេង, សុវណ្ណនាថ និងលិកម៉ាទីអូបានខំប្រឹងប្រែង និងបង្ហាញសមត្ថភាពល្អខ្លាំង ធ្វើឱ្យអ្នកគាំទ្រកោតសរសើរមិនដាច់ពីមាត់ថា ពួកគេនៅតែល្អបើទោះវ័យរៀងជ្រេបន្តិចក្ដី។
ចំពោះសុខទុក្ខយ៉ាងណានោះ អ្នកឡាយដ៏មានឈ្មោះបោះសំឡេង ម៉េងលីមិនទាន់បានសាកសួរម៉ាប់ឆ្វេងនៅឡើយទេ ហើយលោកក៏មិនទាន់បានទៅជួបគេដែរ។
ចំពោះបញ្ហាហើមក្រលៀន Sabay បានសាកសួរទៅកាន់ស្មាត់ធំមកពីខេត្តកំពតដែរ ប៉ុន្តែស្មាត់រូបនេះឃើញ Seen ឆាតហើយមិនបានឆ្លើយតបវិញ៕