/Folder-6/61ad64b4ade27_1638753420_medium.jpg)
- 2021-12-06 01:20:14
- បាល់ទាត់
Rangnick ថាហាត់១ដង Man Utd ដូរបានប៉ុណ្ណឹងគិតល្អហើយ
- 2021-12-06 01:20:14
- ចំនួនមតិ 0 | ចំនួនចែករំលែក 0
Rangnick ថាហាត់១ដង Man Utd ដូរបានប៉ុណ្ណឹងគិតល្អហើយ
ចន្លោះមិនឃើញ
លោក Ralf Rangnick បាននិយាយថាក្រុមបិសាចក្រហមធ្វើបានល្អហើយ ព្រោះបានហាត់ក្រោមការណែនាំរបស់លោកតែម្ដងគត់ ប៉ុន្តែពួកគេអាចយល់បានច្រើនពីអ្វីដែលលោកចង់បាន។
ក្រុមបិសាចក្រហម Manchester United បានយកឈ្នះលើក្រុម Crystal Palace ក្នុងលទ្ធផល ១-០ សម្រាប់ការប្រកួតពានរង្វាន់ English Premier League នៅយប់មិញ។ លទ្ធផល១គ្រាប់នោះដែរ កើតចេញពីការទាត់ពីចម្ងាយរបស់ Fred នៅតង់ទី២ ស្របពេលក្នុងការប្រកួតនេះ Man Utd សម្រុកខ្លាំង និងគ្រប់គ្រងការប្រកួតបានល្អ។
បើតាមអ្នកចាត់ការ Rangnick ដែលទើបចូលកាន់តំណែងនិងដឹកនាំក្រុមហាត់បានម្ដងនោះ បង្ហាញចំណាប់អារម្មណ៍ថា៖ “ខ្ញុំសប្បាយចិត្តជាមួយការលេងរបស់ក្រុមជាពិសេសនៅតង់ទី១។ ការដណ្ដើមបាល់ គឺពិតជាអាចទទួលយកបាន។ វិធីដែលយើងការពារ យើងគ្រប់គ្រងការប្រកួតទាំងមូល និងបាន Clean sheet គឺជារឿងសំខាន់។ ហាត់ជាមួយគ្នាបានម្ដង ហើយធ្វើបានប៉ុណ្ណឹង ខ្ញុំសប្បាយចិត្ត ហើយវាបានបង្ហាញថាយើងកំពុងតែអភិវឌ្ឍទៅមុខហើយ។ យើងធ្វើបានល្អក្នុងការប្រកួតនេះ ជាងការរំពឹងទុកទៅទៀត”៕
