Ronaldo ថាប្រធានកម្មវិធី Ballon dÓr ជាមនុស្សនិយាយកុហក ចង់ល្បីខ្លួនឯង

2021-11-30 01:52:28
បាល់ទាត់

2021-11-30 01:52:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Cristiano Ronaldo បានឆ្លើយតបវិញចំពោះលោក Pascal Ferre ប្រធានអ្នករៀបចំកម្មវិធី Ballon dÓr ដែលបាននិយាយថាគេចង់ឈ្នះពានរង្វាន់ផ្ទាល់ខ្លួនមួយនេះឱ្យបានច្រើនជាង Lionel Messi ។

កាលពីសប្ដាហ៍មុននេះ លោក Pascal Ferre បានអះអាងថាមហិច្ឆតារបស់ Ronaldo គឺធ្វើយ៉ាងណាអាចឈ្នះពានរង្វាន់ Ballon dÓr ឱ្យបានច្រើនជាងកីឡាករ Messi ក្នុងអាជីពបាល់ទាត់នេះ។ ដោយការនិយាយបែបនេះ បានធ្វើឱ្យ CR7 មិនសប្បាយចិត្តនោះទេ ហើយក៏បានតបតវិញយ៉ាងចាស់ដៃផងដែរ។

ម្ចាស់ពានរង្វាន់ Ballon dÓr ៥សម័យខាងលើបាននិយាយថា៖ “Pascal Ferre និយាយកុហក។ គាត់បានប្រើឈ្មោះរបស់ខ្ញុំដើម្បីប្រម៉ូតខ្លួនគាត់ និងប្រម៉ូតការងារដែលគាត់កំពុងធ្វើ។វាមិនអាចទទួលយកបាន ទេដែលអ្នកទទួលខុសត្រូវក្នុងការផ្តល់រង្វាន់ដ៏មានកិត្យានុភាពបែបនេះអាចកុហកតាមរបៀបនេះ ដោយមិនគោរពជាដាច់ខាតចំពោះអ្នកដែលតែងតែគោរព France Football និង Ballon d'Or។ ថ្ងៃនេះគាត់បានកុហកម្ដងទៀត ចំពោះអវត្ដមានរបស់ខ្ញុំនៅក្នុងកម្មវិធីប្រគល់ពាន។ ខ្ញុំតែងតែចង់អបអរអ្នកឈ្នះ ក្នុងភាពជាអ្នកកីឡា និងយុត្ដិធម៌ ដែលវាបានដឹកនាំអាជីពរបស់ខ្ញុំតាំងពីដើមមក។ ខ្ញុំមិនដែលគិតចង់ប្រឆាំងជាមួយនរណាទេ”៕

ប្រភព៖ Dailymail អត្ថបទ៖ វ៉ាន់ សាក់