- 2021-11-29 07:50:27
- បាល់ទាត់
គ្រូម៉ាឡេស៊ី ប្រាប់កូនក្រុមកុំឲ្យមានទំនុកខ្លាំងពេក ព្រោះកម្ពុជាមិនដូចពីមុនឡើយ
- 2021-11-29 07:50:27
- ចំនួនមតិ 0 | ចំនួនចែករំលែក 0
គ្រូម៉ាឡេស៊ី ប្រាប់កូនក្រុមកុំឲ្យមានទំនុកខ្លាំងពេក ព្រោះកម្ពុជាមិនដូចពីមុនឡើយ
ចន្លោះមិនឃើញ
លោក Tan Cheng Hoe មានក្ដីបារម្ភខ្លះដែរ ពេលដែលជម្រើសជាតិម៉ាឡេស៊ីត្រូវជួបកម្ពុជានៅថ្ងៃប្រកួតបើកឆាកពានរង្វាន់ AFF Cup ២០២០។
ក្រុមម៉ាឡេស៊ីនឹងត្រូវលេងជាមួយកម្ពុជាក្នុងប្រកួតទីមួយនៃពានរង្វាន់ AFF Cup ២០២០ ក្នុងកីឡដ្ឋាន Bishan Stadium ប្រទេសសិង្ហបុរី នៅថ្ងៃទី ៦ ខែ ធ្នូខាងមុខនេះ។ មុនប្រកួតមកដល់លោក Tan Cheng Hoe បាននិយាយថា កម្ពុជាមានការអភិវឌ្ឍន៍ច្រើន ហើយលោកចាប់អារម្មណ៍ ពេលដែលពួកគេយកឈ្នះជម្រើសជាតិហ្គាំ សរុបទាំងពីរជើង ៣-១ ក្នុងវគ្គ Play-off ពាន Asian Cup ២០២៣។
“ក្រុមជម្រើសជាតិកម្ពុជាកំពុងតែលេងល្អ ក្រោមការដឹកនាំរបស់លោក Ryu Hirose និង Keisuke Honda។ ពួកគេកំពុងមានការរីកចម្រើនយ៉ាងឆាប់រហ័ស។ ដូច្នេះ វាមិនមែនជារឿងងាយស្រួលក្នុងការយកឈ្នះពួកគេ។" សម្ដីលោក Tan Cheng Hoe។
គ្រូសញ្ជាតិម៉ាឡេស៊ីក៏បានរំឭកដល់កូនក្រុមទាំងអស់ទៀតថា កុំមានទំនុកចិត្តខ្ពស់ខ្លាំងពេកក្នុងការប្រកួតបើកឆាកពាន AFF Cup។ ពួកគេត្រូវតែផ្ដោតលើការលេងដោយផ្ទាល់។ កម្ពុជាមានកីឡាករល្អៗច្រើន។ ចាន់ វឌ្ឍនាកា ធ្លាប់លេងនៅលីគម៉ាឡេស៊ី និងទម្រង់លេងនៅតែល្អដដែល។ កម្ពុជាស្ថិតនៅពូល B ជាមួយវៀតណាម ម៉ាឡេស៊ី ឥណ្ឌូណេស៊ីនិងឡាវ៕
