/619f91118ccab_1637847300_medium.jpg)
- 2021-11-25 13:39:51
- បាល់ទាត់
Arteta ចង់បាន Wenger មកជួយខ្លួននៅ Arsenal
- 2021-11-25 13:39:51
- ចំនួនមតិ 0 | ចំនួនចែករំលែក 0
Arteta ចង់បាន Wenger មកជួយខ្លួននៅ Arsenal
ចន្លោះមិនឃើញ
អ្នកចាត់ការក្លឹប Arsenal លោក Mikel Arteta បានលើកឡើងក្នុងសន្និសីទកាសែតមួយនៅក្នុងថ្ងៃនេះថា លោកចង់បានលោក Arsene Wenger មកជួយការងារលោកនៅក្លឹបនេះ ដើម្បីឲ្យក្លឹបកាន់តែល្អប្រសើរ។
នៅក្នុងសន្និសីទខាងលើ Arteta ក៏បាននិយាយផងដែរថា លោកធ្លាប់ជួបទាក់ទងនិយាយដោយផ្ទាល់ជាមួយអតីតអ្នកចាត់ការ Arsenal រូបនេះកំឡុងពេលទៅមើលរឿង Arsene Wenger: Invincible (រឿងរៀបរាប់ពីប្រវត្តិ Wenger ដឹកនាំ Arsenal) កាលរឿងនេះចាក់ផ្សាយដំបូងនៅថ្ងៃទី១១ ខែវិច្ឆិកា ឆ្នាំ២០២១កន្លងទៅនេះ។
Arteta បានលើកឡើងម្ដងហើយម្ដងទៀតថា ពិតជាសប្បាយចិត្តខ្លាំងមែនទែន ដែលបាននិយាយដោយផ្ទាល់ជាមួយ Wenger បែបនេះ ដោយសង្ឃឹមថានឹងយកអ្នកចាត់ការមានបទពិសោធន៍ច្រើនឆ្នាំរូបនេះមកជិតខ្លួន ដើម្បីជួយ Arsenal នៅកាន់តែល្អ។
យ៉ាងណាក្ដី Arteta មិនបានបង្ហើបពីតួនាទី ដែលគេចង់ឲ្យ Wenger នៅឡើយទេ ទោះមានអ្នកកាសែតសួរនាំក៏ដោយ ដោយគេតបទៅវិញថា ចង់បានអតីតអ្នកចាត់ការមក Arsenal វិញជាពិសេសគឺនៅជិតខ្លួន ជួយការងារខ្លួនផ្ទាល់តែម្ដង។
បើយោងតាម Daily Mail តាំងពីចាកចេញ Arsenal តាំងពីឆ្នាំ២០១៨ មកលោក Wenger មិនដែលជាប់ពាក់ព័ន្ធការងារជាមួយក្លឹបនេះឡើយ ប៉ុន្តែនៅក្នុងឆ្នាំនេះលោកបើកចិត្ត និងព្រមធ្វើក្នុងតួនាទីជាអ្នកប្រឹក្សាយោបល់ បើក្លឹបនេះត្រូវការ។ បើទាក់នឹងរឿងត្រលប់មកដឹកនាំក្លឹបវិញ លោកតែងបដិសេធរហូតមក៕
