សម្ដេច ហ៊ុន សែន ផ្ដាំសារទៅនាយករដ្ឋមន្ត្រីព័រទុយហ្គាល់ថា សង្ឃឹមថាថ្ងៃណាមួយ Ronaldo នឹងមកស្រុកខ្មែរ

2021-11-25 11:28:19
បាល់ទាត់

2021-11-25 11:28:19
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងកិច្ចប្រជុំកំពូលអាស៊ី-អឺរ៉ុប ទី១៣ ថ្ងៃទី២៥ ខែវិច្ឆិកា ឆ្នាំ២០២១នេះ សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានផ្ដាំសារមួយទៅនាយករដ្ឋមន្ត្រីព័រទុយហ្គាល់ ថា សង្ឃឹមថា ថ្ងៃណាមួយ ខ្សែប្រយុទ្ធ Cristiano Ronaldo មកទឹកដីប្រទេសកម្ពុជា។ នេះបើយោងតាមការចុះផ្សាយរបស់ ឯកឧត្ដម ខៀវ កញ្ញរិទ្ធ រដ្ឋមន្ត្រីក្រសួងព័ត៌មាន។

បើតាមចុះការផ្សាយរបស់ឯកឧត្ដមផ្ទាល់បានសរសេរថា៖" តាមរយៈលោកនាយករដ្ឋមន្ត្រី Portugal សម្តេចតេជោនាយករដ្ឋមន្ត្រី ហ៊ុន សែន សូមផ្តាំផ្ញើនូវសមានចិត្តរបស់យុវជនកម្ពុជា ទៅតារាបាល់ទាត់ Ronaldo និង សង្ឃឹមថា ថ្ងៃណាមួយ Ronaldo នឹងមកដល់កម្ពុជា ជាមិនខាន "។

សូមរំលឹកផងដែរថា កាលពីដើមខែឩសភា ឆ្នាំ២០២១កន្លងទៅនេះ សម្ដេចក៏ធ្លាប់ពិចារណាក្នុងការអញ្ជើញខ្សែប្រយុទ្ធអាហ្សង់ទីន Lionel Messi និងខ្សែប្រយុទ្ធប្រេស៊ីល Neymar Jr. មកទស្សនកិច្ចនៅប្រទេសកម្ពុជាផងដែរ ក្រោយជំងឺរាតត្បាតសកលកូវីដ-១៩ផុតរលត់៕

អត្ថបទ៖ សេរី មង្គល