- 2021-11-24 07:49:02
- បាល់ទាត់
Messi និយាយអ្វីខ្លះអំពីទម្រង់លេងរបស់ Ronaldo នៅ Man Utd បច្ចុប្បន្ន?
- 2021-11-24 07:49:02
- ចំនួនមតិ 0 | ចំនួនចែករំលែក 0
Messi និយាយអ្វីខ្លះអំពីទម្រង់លេងរបស់ Ronaldo នៅ Man Utd បច្ចុប្បន្ន?
ចន្លោះមិនឃើញ
ខ្សែប្រយុទ្ធសញ្ជាតិអាហ្សង់ទីន Lionel Messi បានចែកផ្លូវគ្នាជាមួយក្រុមអ្នកមានបុណ្យ Barcelona កាលពីរដូវក្ដៅដើមរដូវកាលហើយក៏បានជជែកអំពីរឿង Cristiano Ronaldo ក្នុងការលេងនៅ Manchester United រដូវកាល២០២១-២០២២។
ខ្សែប្រយុទ្ធរបស់ Paris Saint-Germain ខាងលើបានធ្វើការសរសើរទៅកាន់ Ronaldo ថា មានភាពឆ្លាតវៃក្នុងការប្រកួតប្រជែងលើទីលាន។ Ronaldo បានចុះកុងត្រាជាមួយបិសាចក្រហមជាមួយតម្លៃខ្លួន២៧លានដុល្លារអាមេរិកក្រោយពីបានចាកចេញអស់រយៈពេល១១ឆ្នាំ។
Messi បាននិយាយជាមួយកាសែត Marca ថា « Ronaldo គេបានដឹងរួចទៅហើយអំពីក្លឹប គ្រាន់តែស្ថិតក្នុងស្ថានភាពខុសគ្នាតែប៉ុណ្ណោះ។ ដូច្នេះគាត់ (Ronaldo) ឥឡូវនេះអាចសម្របខ្លួនបានគួរឲ្យចាប់អារម្មណ៍»។
តាំងពីចាប់ផ្ដើមដំបូងនៅ Manchester United គឺ Ronaldo រកបានគ្រាប់បាល់ស្ទើរគ្រប់ប្រកួត នេះបង្ហាញថាវាគ្មានបញ្ហាអ្វីឡើយអំពីការសម្របខ្លួន សម្រាប់ខ្សែប្រយុទ្ធសញ្ជាតិព័រទុយហ្គាល់នៅបិសាចក្រហម។ នេះជាការបន្ថែមរបស់ Messi ជុំវិញទម្រង់លេងនៅ Man Utd របស់ Ronaldo៕