- 2021-11-23 02:48:05
- បាល់ទាត់
មិនក្បត់សន្យា Jose ទិញកាដូស្បែកជើងតម្លៃជិត១ពាន់ដុល្លារឲ្យកីឡាករអ្នកទាត់ចូល
- 2021-11-23 02:48:05
- ចំនួនមតិ 0 | ចំនួនចែករំលែក 0
មិនក្បត់សន្យា Jose ទិញកាដូស្បែកជើងតម្លៃជិត១ពាន់ដុល្លារឲ្យកីឡាករអ្នកទាត់ចូល
ចន្លោះមិនឃើញ
លោក Jose Mourinho បានជូនកាដូទៅកីឡាកររបស់ Roma ម្នាក់ឈ្មោះថា Felix Afena-Gyan នូវស្បែកជើងដែលមានតម្លៃជិត១ ០០០ដុល្លារដែលជារង្វាន់សម្រាប់ការរកបាន២គ្រាប់ទល់នឹង Genoa កាលពីចុងសប្ដាហ៍។
Felix វ័យ១៨ឆ្នាំបានប្ដូរចូលនាទី៧៤ ខណៈការប្រកួតរវាង Roma និង Genoa មិនទាន់មានគ្រាប់បាល់នៅឡើយ។ ការប្ដូរចូលនេះពិតជាមានប្រសិទ្ធភាពមែន ដោយ Felix អាចរកបាន២គ្រាប់ម្នាក់ឯង។
នៅថ្ងៃច័ន្ទសប្ដាហ៍នេះ លោក Mourinho បានជូនកាដូ Felix នូវស្បែកជើងដែលមានតម្លៃថ្លៃមួយគូ សម្រាប់ការខិតខំប្រឹងប្រែងរបស់គេ។ អ្នកចាត់ការសញ្ជាតិព័រទុយហ្គាល់បានពន្យល់ថា លោកបានសន្យានឹងទិញស្បែកជើងដែល Felix ស្រឡាញ់ ប្រសិនបើគេអាចរកគ្រាប់បាន។
ពេលដែល Felix ទាត់ចូល គេបានរត់មកឱបលោក Jose និងបានរំឭកថា កុំភ្លេចស្បែកជើង។ មិនក្បត់សន្យាឡើយលោក Jose បានទិញស្បែកជើងមួយគូតម្លៃ៨០០អឺរ៉ូ (៩០០ដុល្លា) ឲ្យកីឡាករសញ្ជាតិហ្គាណា៕