- 2021-11-04 04:14:35
- បាល់ទាត់
ខ្សែការពារ ង៉ោល បូរី បង្ហើបថាមានក្លឹបពីរបីដែរទាក់ទងមករូបគេ
- 2021-11-04 04:14:35
- ចំនួនមតិ 0 | ចំនួនចែករំលែក 0
ខ្សែការពារ ង៉ោល បូរី បង្ហើបថាមានក្លឹបពីរបីដែរទាក់ទងមករូបគេ
ចន្លោះមិនឃើញ
កីឡាករ ងោល បូរី បានឱ្យដឹងតាមរយៈគេហទំព័រ CNCC ថាមានក្លឹបពីរបីដែរធ្លាប់ទាក់ទងរូបគេពីមុនមក ប៉ុន្តែអ្នកតាកែវរូបនេះបានសម្រេចចិត្តបន្តនៅជាមួយគិរីវង់សុខសែនជ័យ។
ជុំវិញមូលហេតុនៃការបន្តនេះ បូរី បានទម្លាយថា ៖« និយាយទៅមាន ២-៣ ក្រុមដែរធ្លាប់សួរនាំពីមុនមក តែចិត្តខ្ញុំចង់លេងនៅគិរីវង់ ព្រោះក្លឹបផ្ដល់ប្រាក់ខែឲ្យសមរម្យ និងមិនឆ្ងាយពីគ្រួសារផង»។
មានរយៈពេល៤ឆ្នាំហើយ ដែលងោលបូរីរួមរស់ជាមួយក្លឹបមាន់គកគីរីវង្សសុខសែនជ័យ បើគិតចាប់តាំងពីចុងឆ្នាំ២០១៧។ បូរីថាសប្បាយចិត្តលេងនៅក្លឹបមួយនេះ ព្រោះនៅទឹកដីកំណើតស្រាប់ និងជិតគ្រួសារ ហើយគេក៏ចង់នៅជួយបន្តទៀត បើក្លឹបផ្ដល់អាកាសនៅរដូវកាលក្រោយៗ។
បូរី បញ្ជាក់បែបនេះ ៖«ប្រសិនបើក្លឹបបន្តផ្ដល់ឱកាសដល់ខ្ញុំទៀត ខ្ញុំអាចនឹងលេងនៅទីនេះតទៅមុខដូចគ្នា»។
គួរបញ្ជាក់ថា កីឡាករ ងោល បូរី ធ្លាប់ជួយក្រុមគិរីវង់សុខសែនជ័យ ឡើងដល់វគ្គផ្ដាច់ព្រ័ត្រពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្តឆ្នាំ២០១៨ និងទទួលបានកៅអីក្របខណ្ឌ Metfone Cambodian League ឆ្នាំ២០១៩៕
