/6181fe8bef7ef_1635909240_medium.jpg)
- 2021-11-03 03:19:34
- បាល់ទាត់
យុវជន U15 មកពីខេត្តក្រុង៣នេះ នឹងមានឱកាសហាត់ឥតគិតថ្លៃនៅក្លឹបបាល់ទាត់អគ្គិសនីកម្ពុជា
- 2021-11-03 03:19:34
- ចំនួនមតិ 0 | ចំនួនចែករំលែក 0
យុវជន U15 មកពីខេត្តក្រុង៣នេះ នឹងមានឱកាសហាត់ឥតគិតថ្លៃនៅក្លឹបបាល់ទាត់អគ្គិសនីកម្ពុជា
ចន្លោះមិនឃើញ
ក្លឹបបាល់ទាត់អគ្គិសនីកម្ពុជា ថ្មីៗនេះបានប្រកាសជ្រើសរើសយុវជនអាយុក្រោម ១៥ឆ្នាំចំនួន៣០០នាក់មកហ្វឹកហាត់ដោយឥតគិតថ្លៃ ហើយអ្នកមានទេសកោសល្យ និងសមត្ថភាពខ្ពស់ មកពីរាជធានីខេត្តចំនួន៣រួមមាន ខេត្តកណ្ដាល កំពង់ស្ពឺ និងរាជធានីភ្នំពេញ នឹងមានឱកាសក្លាយជាយុវជនថ្នាលរបស់ក្លឹប។ នេះបើយោងតាមសេចក្ដីប្រកាសរបស់ក្លឹបបាល់ទាត់អគ្គិសនីកម្ពុជា។
ចំពោះលក្ខខណ្ឌ បេក្ខជនត្រូវកើតនៅឆ្នាំ ២០០៦ ដល់ ២០០៨ ហើយបើមានកម្ពស់ចាប់ពី ១,៧០ម៉ែត្រឡើងនឹងមានអទិភាពខ្ពស់។
ការជ្រើសរើសយុវជនហ្វឹកហាត់ដោយឥតគិតថ្លៃនេះ ក្លឹបមានគោលបំណងចង់ចូលរួមអភិវឌ្ឍ និងលើកស្ទួយវិស័យកីឡាបាល់ទាត់នៅកម្ពុជាឱ្យរីកចម្រើននាពេលអនាគត។
សូមមើលលក្ខខណ្ឌ និងវីដេអូវិធីចុះឈ្មោះ
យុវជនខ្មែរអាយុក្រោយ១៥ឆ្នាំ កើតនៅឆ្នាំ ២០០៦ ដល់ ២០០៨
មានកាយសម្បទាមាំមួន (មានកម្ពស់ចាប់ពី ១,៧០ម៉ែត្រឡើងនឹងមានអទិភាពខ្ពស់)
មានទីលំនៅបច្ចុប្បន្ននៅខេត្តកណ្ដាល កំពង់ស្ពឺ និងភ្នំពេញ
ចុះឈ្មោះតាមតំណភ្ជាប់ http://www.edc.com.kh/id/902912288 ឬ QR Code (មើលក្នុងសេចក្ដីប្រកាសរបស់ក្លឹប)
ការទទួលពាក្យចូលរួមហ្វឹកហាត់សម្រាប់តែយុវជនចំនួន៣០០នាក់ ដែលបានបំពេញប្រវត្តិរូបសង្ខេបតាមរយៈតំណងភ្ជាប់ខាងលើ របស់ក្លឹបបាល់ទាត់អគ្គិសនីកម្ពុជា ដំបូងគេតែប៉ុណ្ណោះ។
ចំពោះ កាលបរិច្ឆេទសាកល្បងសមត្ថភាព ក្លឹបនឹងជូនដំណឹងតាមរយៈលេខទូរសព្ទសាមីខ្លួន និងផេកផ្លូវការរបស់ក្លឹបអគ្គិសនីកម្ពុជា។ សូមបញ្ជាក់ថា ក្លឹបមិនទទួលការដាក់ពាក្យតាមរយៈ Comments ឬ Inbox ឡើយ៕
