- 2021-10-28 03:44:16
- បាល់ទាត់
កំណត់ត្រាដ៏អន់របស់ Koeman ដឹកនាំក្រៅដីរដូវកាលនេះរកបានមួយគ្រាប់គត់
- 2021-10-28 03:44:16
- ចំនួនមតិ 0 | ចំនួនចែករំលែក 0
កំណត់ត្រាដ៏អន់របស់ Koeman ដឹកនាំក្រៅដីរដូវកាលនេះរកបានមួយគ្រាប់គត់
ចន្លោះមិនឃើញ
ជាដំណឹងដ៏ភ្ញាក់ផ្អើលកាលពីព្រឹកមិញ ដោយ Barcelona បានប្រកាសបញ្ចប់តួនាទីរបស់លោក Ronald Koeman ក្រោយដឹកនាំចាញ់ក្រុម Rayo Vallecano ១-០។
Barca បានធ្វើដំណើរទៅលេងក្នុងដីរបស់ Vallecano ប៉ុន្តែបានជួបលទ្ធផលដ៏ខកចិត្ត។ អតីតកីឡាកររបស់ Chelsea គឺខ្សែប្រយុទ្ធ Radamel Falcao ជាអ្នករកគ្រាប់ជ័យជម្នះឲ្យក្រុមម្ចាស់ផ្ទះ Vallecano។ បរាជ័យនេះបានធ្វើឲ្យលោក Koeman ជួបកំណត់ត្រាអន់បំផុតសម្រាប់ការរកគ្រាប់បាល់ក្រៅដីរដូវកាលនេះ។
រដូវកាល២០២១-២២ គិតគ្រប់កម្មវិធីលេងក្រៅដី៥ប្រកួត Barcelona រកបានតែមួយគ្រាប់គត់កាលជួបជាមួយ Athletic Club ក្នុង La Liga។ ដោយមើលឃើញពីលទ្ធផលធ្លាក់ខ្លាំងពេក Barcelona ក៏សម្រេចចិត្តបណ្ដេញលោក Koeman ចោលតែម្ដង។
Barcelona ពេលនេះកំពុងស្ថិតនៅលេខ៩ក្នុងតារាងពិន្ទុ La Liga មាន១៥ពិន្ទុ ពីការលេង១០ប្រកួត។ សម្រាប់នៅ Champions League វិញពួកគេស្ថិតនៅលេខ៣ មាន៣ពិន្ទុគត់ពីការលេង៣ប្រកួត៕
