/6177ee5e2fa09_1635249720_medium.jpg)
- 2021-10-26 12:05:18
- បាល់ទាត់
Zidane មិនចាប់អារម្មណ៍តំណែងអ្នកចាត់ការ Man Utd
- 2021-10-26 12:05:18
- ចំនួនមតិ 0 | ចំនួនចែករំលែក 0
Zidane មិនចាប់អារម្មណ៍តំណែងអ្នកចាត់ការ Man Utd
ចន្លោះមិនឃើញ
លោក Zinedine Zidane អតីតគ្រូបង្គោលក្លឹប Real Madrid ត្រូវបានសារព័ត៌មាននៅអេស្ប៉ាញថា លោកមិនចាប់អារម្មណ៍មកដឹកនាំក្លឹប Manchester United នោះទេ ទោះលោក Ole Gunnar Solskjaer ត្រូវបានបណ្ដេញចេញពីតំណែង។ នេះបើយោងតាមការចុះផ្សាយរបស់ ESPN ថ្ងៃនេះ។
បើតាមកាសែតអេស្ប៉ាញ Mundo Deportivo ដែលចុះផ្សាយដោយ Manchester Evening News បានដឹងថា លោក Zidane មិនមានបំណងធ្វើអ្នកចាត់ចារនេះគឺដោយសារតែ លោកនៅចង់សម្រាកសម្រាន្តបន្តទៀតសិន ក្រោយចំណាយពេលដឹកនាំក្លឹបអស់រយៈពេលជាច្រើនឆ្នាំ។
លោក Zidane ត្រូវបានសារព័ត៌មាន Daily Mail ចុះផ្សាយថា ជាបេក្ខជនម្នាក់ក្នុងចំនួនបេក្ខជន៤នាក់ ដែលអាចនឹងមកដឹកនាំ Man Utd បន្តដោយបេក្ខជន៣នាក់ទៀត មានដូចជា លោក Antonio Conte លោក Brendan Rodgers និងលោក Erik ten Hag។
លោក Conte ត្រូវបានសារព័ត៌មានជាច្រើនចុះផ្សាយកាលពីថ្មីៗនេះថា លោកមានបំណងមកដឹកនាំ Man Utd បន្តបើ Ole ត្រូវបណ្ដេញចេញ៕
