- 2021-10-21 13:06:48
- បាល់ទាត់
Benzema ជាប់គុក ឬរួចខ្លួន រឿងគំរាមបង្ហោះវីដេអូរួមរ័ក Valbuena នឹងសម្រេចស្អែកនេះ
- 2021-10-21 13:06:48
- ចំនួនមតិ 0 | ចំនួនចែករំលែក 0
Benzema ជាប់គុក ឬរួចខ្លួន រឿងគំរាមបង្ហោះវីដេអូរួមរ័ក Valbuena នឹងសម្រេចស្អែកនេះ
ចន្លោះមិនឃើញ
ខ្សែប្រយុទ្ធ Karim Benzema នឹងត្រូវបានតុលាការទីក្រុង Versailles ប្រទេសបារាំង នឹងសម្រេចឲ្យជាប់ទោស ឬក៏រួចខ្លួននៅថ្ងៃសុក្រ ស្អែកនេះក្នុងរឿងក្ដីពាក់ព័ន្ធចូលរួមគំរាមទម្លាយវីដេអូរួមរ័កអតីតមិត្តរួមក្រុមជម្រើសជាតិបារាំងខ្លួនគឺ ខ្សែបម្រើ Mathieu Valbuena កាលពីឆ្នាំ២០១៥។ បើយោងតាមការចុះផ្សាយរបស់ Marca ថ្ងៃនេះ។
កីឡាកររូបនេះមិនបានចូលបំភ្លឺនៅក្នុងតុលាការពាក់ព័ន្ធនឹងករណីខាងលើនៅថ្ងៃពុធ ម្សិលមិញទេដោយមេធាវីរបស់គេលើឡើងក្រោមមូលហេតុដោយសារតែជាប់បំពេញកាតព្វកិច្ចក្នុងអាជីពបាល់ទាត់របស់គេ។
ទាក់ទងនឹងរឿងខាងលើនេះ Benzema ត្រូវបានគេចោទប្រកាន់ថាបានរួមគំនិតជាមួយអ្នកស្គាល់គ្នា៤នាក់គឺលោក Axel Angot លោក Mustapha Zouaoui លោក Younes Houass និងលោក Karim Zenati។
លោក Axel Angot ជាអ្នករកឃើញវីដេអូរួមរ័ក Valbuena លើទូរស័ព្ទកីឡាករនេះនិងចម្លងមកទូរស័ព្ទខ្លួន រីឯ Zouaoui ជាអ្នកចែកចាយលើបណ្ដាញសង្គម ប៉ុន្តែគេថាមិនដែលមានបំណងធ្វើអញ្ចឹងឡើយ រីឯ Houass ជាអ្នកថា Benzema ពាក់ព័ន្ធ និង Zenati ជាអ្នកអូសឲ្យខ្សែប្រយុទ្ធរូបនេះពាក់រឿងក្ដីនេះ។
យ៉ាងណាក្ដី Benzema តែងតែបដិសេធចំពោះរឿងនេះរហូតមក តែប្រសិនបើតុលាការរកឃើញគេពាក់ព័ន្ធ គេនឹងអាចជាប់គុក ៥ឆ្នាំ និងបង់ពិន័យជាង ៨៧,០០០ដុល្លារ៕
រឿងរ៉ាវខាងលើលម្អិត៖