- 2021-10-20 02:23:48
- បាល់ទះ
អ៊ឹម ណារិទ្ធ ត្រេកអរពេលជម្រើសជាតិឆ្នេរខ្សាច់កម្ពុជា ប្រមូលផ្ដុំហ្វឹកហាត់វិញ
- 2021-10-20 02:23:48
- ចំនួនមតិ 0 | ចំនួនចែករំលែក 0
អ៊ឹម ណារិទ្ធ ត្រេកអរពេលជម្រើសជាតិឆ្នេរខ្សាច់កម្ពុជា ប្រមូលផ្ដុំហ្វឹកហាត់វិញ
ចន្លោះមិនឃើញ
កីឡាករបាល់ទះក្លឹបស្នងការដ្ឋាននគរបាលរាជធានីភ្នំពេញ និងជម្រើសជាតិឆ្នេរខ្សាច់ អ៊ឹម ណារិទ្ធ បានសម្ដែងអារម្មណ៍រីករាយ ពេលក្រុមជម្រើសជាតិបាល់ទះឆ្នេរខ្សាច់កម្ពុជា នឹងបើកការប្រមូលផ្ដុំហ្វឹកហាត់ឡើងវិញនៅខែវិច្ឆិកា ឆ្នាំ២០២១ ខាងមុខ ដើម្បីត្រៀមស៊ីហ្គេមលើកទី៣១ នៅប្រទេសវៀតណាម និងស៊ីហ្គេមលើកទី៣២ ឆ្នាំ២០២៣ កម្ពុជាធ្វើជាម្ចាស់ផ្ទះ។
កីឡាករត្រូវបានគេស្គាល់ថាតាក់អន្លង់វែង បានឱ្យដឹងថា ៖«អ...! ចូលហាត់ឆ្នេរខ្សាច់ដាច់ខែហ្នឹងបង ព្រោះអីថ្ងៃ២៤ធ្វើតេស្ត [កូវីដ-១៩] លើកទី២បង រួចហើយមួយអាទិត្យក្រោយធ្វើតេស្តលើកទី៣ បើយើងអត់មានជំងឺទេ គេឱ្យចូលហាត់ថ្ងៃដែលធ្វើតេស្តលើកទី៣តែម្ដងបង។ សប្បាយចិត្តបងសប្បាយចិត្ត ពេលឭថាប្រមូលផ្ដុំហាត់វិញបង»។
ក្រុមជម្រើសបាល់ទះឆ្នេរខ្សាច់កម្ពុជា បានផ្អាកប្រមូលផ្ដុំហ្វឹកហាត់តាំងពីខែមេសា ឆ្នាំ២០២១ ដោយពួកគេបានប្ដូរហ្វឹកហាត់តាមប្រព័ន្ធ Zoom ជំនួសវិញ ដើម្បីទប់ស្ដាត់ការឆ្លងរីករាលដាលនៃជំងឺកូវីដ-១៩។
ពាក់ព័ន្ធនឹងស៊ីហ្គេមលើកទី៣១នៅប្រទេសវៀតណាម បើតាមប្រសាសន៍របស់ឯកឧត្ដម វ៉ាត់ ចំរើន អគ្គលេខាធិការ NOCC គណៈកម្មាធិការជាតិអូឡាំពិកវៀតណាម បានបញ្ជាក់ថា ព្រឹត្តិការណ៍ដែលបានលើកពីពេលកន្លងទៅនេះ នឹងត្រូវធ្វើនៅពាក់កណ្ដាលខែឧសភា ឆ្នាំ២០២២ ប៉ុន្តែយ៉ាងណាភាគីវៀតណាម ក៏នៅមិនទាន់កំណត់ថ្ងៃឲ្យប្រាកដដែរ។
កាលពីខែកញ្ញា ឆ្នាំ២០២១ ក្រុមប្រឹក្សាកីឡាអាស៊ីអាគ្នេយ៍ បានដាក់ឱសានវាទដល់ប្រទេសវៀតណាមឲ្យឆ្លើយថា រៀបចំឬមិនរៀបចំព្រឹត្តិការណ៍ស៊ីហ្គេមលើកទី៣១ នៅខែតុលានេះ។ នៅថ្ងៃទី១៨ តុលា ២០២១ ក្នុងកិច្ចប្រជុំក្រុមប្រឹក្សាកីឡាអាស៊ីអាគ្នេយ៍ វៀតណាមក៏បានឆ្លើយតបនិងយល់ព្រមប្រារព្ធពិធីនេះ៕