- 2021-10-14 01:38:16
- បាល់ទាត់
គ្រូ PSG ថានឹងធ្វើគ្រប់យ៉ាងដើម្បីចងជើង Mbappe ឱ្យបាន
- 2021-10-14 01:38:16
- ចំនួនមតិ 0 | ចំនួនចែករំលែក 0
គ្រូ PSG ថានឹងធ្វើគ្រប់យ៉ាងដើម្បីចងជើង Mbappe ឱ្យបាន
ចន្លោះមិនឃើញ
លោក Mauricio Pochettino បាននិយាយថាក្រុម PSG របស់លោកនឹងធ្វើគ្រប់យ៉ាងដើម្បីរក្សាខ្សែប្រយុទ្ធ Kylian Mbappe ឱ្យបាននៅរដូវកាលដោះដូរកីឡាករខាងមុខនេះ។
Mbappe មានបំណងចង់ចាកចេញពីក្រុម PSG ហើយកុងត្រារបស់គេវិញក៏នៅសល់ត្រឹមរដូវកាលនេះទៀតទេ។ បើទោះជាកន្លងមក PSG បានព្យាយាមបន្ដកុងត្រាថ្មីឱ្យគេក្ដី ប៉ុន្តែមិនទទួលបានលទ្ធផលឡើយ ដោយសារសាមីខ្លួនមិនព្រម។ ប្រភពជាច្រើនជឿជាក់ថាកីឡាករបារាំងនេះចង់ចាកចេញពីបារាំង ដើម្បីទៅលេងឱ្យក្រុម Real Madrid របស់អេស្ប៉ាញ។
តែបើតាមសម្ដីរបស់លោក Pochettino អ្នកចាត់ការក្រុម PSG វិញ បានអះអាងថាក្រុមរបស់លោកនឹងធ្វើគ្រប់យ៉ាងមិនឱ្យ Mbappe ដើរចេញនោះទេ។ រូបគេជាកីឡាករសំខាន់ក្នុងក្រុម ហើយរហូតមកដល់ពេលនេះ រូបគេក៏ខិតខំប្រឹងលេង មិនមានអ្វីប្រែប្រួលដែរ។ ដូច្នេះ ក្រុម PSG នឹងព្យាយាមឱ្យអស់លទ្ធភាពដើម្បីរក្សាកីឡាករវ័យក្មេងរូបនេះឱ្យបាន៕