- 2021-10-13 14:08:11
- បាល់ទាត់
Werner ឆ្លើយតបទៅនឹងការរិះគន់វិញ ក្រោយស៊ុតចូល៤គ្រាប់ ក្នុង៥ប្រកួតចុងក្រោយ
- 2021-10-13 14:08:11
- ចំនួនមតិ 0 | ចំនួនចែករំលែក 0
Werner ឆ្លើយតបទៅនឹងការរិះគន់វិញ ក្រោយស៊ុតចូល៤គ្រាប់ ក្នុង៥ប្រកួតចុងក្រោយ
ចន្លោះមិនឃើញ
ខ្សែប្រយុទ្ធ Timo Werner បានធ្វើការឆ្លើយនឹងការរិះគន់វិញទៅលើសមត្ថភាពរបស់គេកន្លងមក ក្រោយស៊ុតចូល ៤គ្រាប់ ក្នុង៥ប្រកួតចុងក្រោយនេះ។
តាំងពីផ្លាស់មកលេងនៅ Chelsea ចាប់តាំងពីដើមរដូវកាលឆ្នាំ២០២០/២១ កីឡាករអាល្លឺម៉ង់រូបនេះមានភាពពិបាកខ្លាំង ក្នុងការសម្របខ្លួនលេងនៅក្នុង Premier League ដោយកីឡាករនេះស៊ុតបានតែ ១២គ្រាប់ នៅក្នុងប្រកួត៥២ដង ដែលធ្វើឲ្យអ្នកគាំទ្រធ្វើការរិះគន់ និងមានមន្ទិលសង្ស័យពីសមត្ថភាព ខណៈកាលលេងឲ្យ Leipzieg ក្នុងរដូវកាលឆ្នាំ២០១៩/២០ កីឡាករនេះរកបាន៣៤គ្រាប់ឯណោះ ក្នុង៤៥ប្រកួត។
ទោះជាលេងមិនទាន់សូវល្អ ទាំងអ្នកចាត់ការក្លឹប Chelsea និងគ្រូបង្គោលជម្រើសជាតិអាល្លឺម៉ង់តែងតែសរសើរ Timo ដោយថាគេជាកីឡាករព្យាយាម ហ្វឹកហាត់រហូតមក។
យ៉ាងមិញចាប់ពីប្រកួតតទល់នឹង Aston Villa រហូតមកប្រកួតនឹងក្រុមជម្រើសជាតិម៉ាសេដូនីខាងជើងម្សិលមិញ Timo រកបាន ៤គ្រាប់ហើយក្នុង ៥ប្រកួតចុងក្រោយ ដោយ១គ្រាប់ក្នុងប្រកួតតទល់នឹង Aston Villa ១គ្រាប់ទៀតនឹង Sothampton និង២គ្រាប់ចុងក្រោយក្នុងប្រកួតម្សិលមិញ។
ក្រោយទទួលបានលទ្ធផលបែបនេះ Timo ហាក់ដូចសប្បាយចិត្តយ៉ាងខ្លាំង ក៏ដូចជាបានឆ្លើយនឹងរឿងរិះគន់វិញផងដែរទៅកាន់ The Sun នៅក្នុងថ្ងៃនេះថា៖" ខ្ញុំត្រូវតែកុំខ្វល់នឹងរឿងអញ្ចឹង ប្រសិនជាខ្ញុំនៅគិតតែរឿងពីហ្នឹង ខ្ញុំមិនអាចលេងអីបានទេ។ មកដល់ចំណុចនេះ ខ្ញុំដឹងថាគ្រាប់បាល់នឹងមានវិញបណ្ដើរៗហើយ ខ្ញុំដឹងច្បាស់ ខ្ញុំអាចធ្វើ "៕