- 2021-10-13 01:51:58
- បាល់ទះ
លោកគ្រូ សាន សុក្រិត្យ៖ វិសាខាស្ទើរបច្ចេកទេសជាងក្រុមអធិរាជប្រអប់
- 2021-10-13 01:51:58
- ចំនួនមតិ 0 | ចំនួនចែករំលែក 0
លោកគ្រូ សាន សុក្រិត្យ៖ វិសាខាស្ទើរបច្ចេកទេសជាងក្រុមអធិរាជប្រអប់
ចន្លោះមិនឃើញ
ក្នុងការលេងបាល់ប្រកួតបួនស្មើ លោក សាន សុក្រិត្យ មើលឃើញថាកីឡាករក្លឹបបាល់ទះវិសាខានៅមានកម្រិត និងស្ទើរបច្ចេកទេសជាងក្រុមអធិរាជប្រអប់ ដែលដឹកនាំដោយលោក ស៊ ដាវុធ។
គ្រូបង្វឹកក្លឹបបាល់ទះវិសាខារូបនេះ បានពន្យល់ថា ៖«តាមការយល់ឃើញរបស់ខ្ញុំ សមត្ថភាពកីឡាករក្លឹបបាល់ទះវិសាខានៅមានកម្រិតក្នុងការលេងបួនស្មើ និងស្ទើរបច្ចេកទេសជាងក្រុមអធិរាជប្រអប់ ពីព្រោះខាងក្រុមអធិរាជប្រអប់ការលេងបួនស្មើ ក្រុមគាត់លេងបានច្រើនជាងនិងយល់ជាងក្រុមវិសាខា»។
ក្រៅពីមើលឃើញចំណុចទាំងនេះបុរសមានបទពិសោធក្នុងវិស័យបាល់ទះប្រមាណ២៨ឆ្នាំ បានស្នើឱ្យក្រុមទាំងពីរខំប្រឹងអស់ពីសមត្ថភាព លេងប្រកបដោយក្រមសីលធម៌ និងចេះគោរពគូប្រកួត។
លោក សាន សុក្រិត្យ មិនមែនជាគ្រូដឹកនាំក្នុងការប្រកួត Special Volleyball Challenge ឡើយពោលគឺលោក នៅ សាម៉េត។
នៅម៉ោង២រសៀលថ្ងៃនេះតទៅ ក្រុមខ្លាំងវិសាខានឹងប្រកួតជាមួយក្រុមអធិរាជប្រអប់ ខណៈក្រុមក្រសួងមហាផ្ទៃប្រកួតជាមួយ PS Concrete ដែលគែស្គាល់ថាក្រុមមានកីឡាករវិសាខាឈុត B លាយជាមួយឈុត A។
ចាំមើលថាតើបួនក្រុមនៅវគ្គពាក់កណ្ដាលផ្ដាច់ព្រ័ត្រនេះ ពីរក្រុមណានឹងឡើងទៅវគ្គផ្ដាច់ព្រ័ត្រនៅថ្ងៃទី១៧ ខែតុលា ឆ្នាំ២០២១៕