- 2021-10-12 07:05:03
- បាល់ទះ
លោក ស៊ ដាវុធ ថាវិសាខាល្អ ប៉ុន្តែក៏មានចំណុចខ្សោយដែរ
- 2021-10-12 07:05:03
- ចំនួនមតិ 0 | ចំនួនចែករំលែក 0
លោក ស៊ ដាវុធ ថាវិសាខាល្អ ប៉ុន្តែក៏មានចំណុចខ្សោយដែរ
ចន្លោះមិនឃើញ
ក្រុមអធិរាជប្រអប់នឹងត្រូវធ្វើការធ្ងន់ ព្រោះពួកគេត្រូវជួបក្រុមជើងខ្លាំងវិសាខា ក្នុងការប្រកួតពានរង្វាន់ Special Volleyball Challenge 2021 វគ្គពាក់កណ្ដាលផ្ដាច់ព្រ័ត្រវេលាម៉ោង២រសៀលស្អែនេះ នៅកីឡដ្ឋានព្រីនស៍ហ្គ្រេនភ្នំពេញ។
មុនជំនួបមកដល់ Sabay បានសាកសួរទៅកាន់លោក ស៊ ដាវុធ អ្នកដឹកនាំក្រុមអធិរាជប្រអប់។ លោកបានបង្ហើបថា វិសាខាជាក្រុមខ្លាំងនិងសំបូរដោយបច្ចេកទេស ជាពិសេសពួកគេមានរនាំងធំៗល្អ ដែលជាឧបសគ្គធំមួយសម្រាប់ក្រុមរបស់លោក។
លោក ដាវុធ បានបញ្ជាក់ថា ៖«រនាំងវិសាខាយើងទទួលស្គាល់ថារនាំងគាត់ធំ ហើយគាត់ចាប់ដោយបច្ចេកទេស មិនមែនចេះតែបាំងដូចយើងប្រកួតនៅក្រៅទេ អ៊ីចឹងអ្វីដែលជាឧបសគ្គរបស់យើង គឺរនាំងគាត់ល្អ ប៉ុន្តែចំណុចខ្វះខាតរបស់គាត់ក៏យើងមើលឃើញច្រើនដែរ អ៊ីចឹងមានតែយើងហ្វឹកហាត់បន្ថែម សម្រាប់ប្រើចំណុចខ្វះខាតរបស់គាត់ ដើម្បីប្រើជាយុទ្ធសាស្ត្រ ដើម្បីយើងលេងទទួលបានលទ្ធផលល្អប្រកួតនៅថ្ងៃស្អែក»។
ការប្រកួតស្អែកនេះ លោកយល់ឃើញថាវាជាជំនួបដ៏តានតឹង ប៉ុន្តែក្រុមអធិរាជប្រអប់របស់លោក បានត្រៀមខ្លួននិងយុទ្ធសាស្ត្ររួចជាស្រេច ដើម្បីទទួលបានលទ្ធផលល្អ៕